婚禮的現場音樂，對每名賓客也有直接影響，新人藉著安排的旋律，不著痕跡地深深觸動每個人內心。為此The Clover希望以豐富的音樂表演經驗，涵蓋爵士、拉丁、Fusion、藍調、Swing與古典音樂等範疇，讓新人夢想中的婚禮氣氛，能藉著專業呈獻最佳效果的現場音樂實現。
The musicians in The Clover have extensive performing experience. Our huge repertoire accommodates a wide variety of preferences and requests, covering many styles from Jazz, Latin & Fusion to Blues, Pop & Rock. Members of The Clover have a diverse musical background and play instruments at a professional level. All musicians were formally trained from well-known music academy around the world and also experienced in music teaching.
AWARDS
因為我當時見到The Clover Wedding Music攞過獎，就覺得比較有信心，最後決定搵佢哋。第一次同佢哋傾計，已經覺得The Clover Wedding Music好專業，好清楚自己做緊咩，所以我都好放心🌟。 喺溝通過程入面，我有時提出啲要求或者問題，佢哋都回覆得好快，而且講得好清楚，咩嘢做到、咩嘢唔做到，佢哋都會講清楚。The Clover Wedding Music仲會主動俾專業意見，好似我本身揀咗一首歌，但因為首歌太長，佢哋就自己睇過曲譜，再考慮埋入場時間，建議我只用其中一段☺️。呢啲位就睇得出佢哋好有經驗，又夠細心，仲幫我諗埋我本身冇諗到嘅細節🥹。到婚禮當日，我真係幾驚喜，因為歌手把聲好好聽，成晚氣氛都好正。我屋企人同朋友都好 enjoy，甚至有人食完飯都唔捨得走，留到十點幾，以為仲會再唱🤣。好多賓客之後都同我講，當晚氣氛真係好正，連婚禮場地嗰邊都話，平時好少有 band 表演，不過見到效果咁好，都想之後搵 band 一齊合作😍。聽到呢啲 feedback，我自己都覺得又意外又開心，成個流程可以話係好順利，無論前期溝通定係當日表演，全部都做得好好。The Clover Wedding Music仲會提供歌單俾我哋參考，我哋都可以add返自己鍾意嘅歌，The Clover Wedding Music都盡量配合，好有彈性😗。
同The Clover Wedding Music溝通嗰陣，我覺得同事回覆得好快，態度都好好，而且感覺到佢哋幾有經驗。佢哋唔單止解答我啲問題，仲主動俾咗唔少意見我哋，真係幾幫到手😋。喺歌 list 方面，我都有同The Clover Wedding Music傾過，佢哋會睇曬成個歌單，再建議下啲歌可以點配搭，真係幾細心。我哋都有問過佢哋如果想現場氣氛好啲，應該加啲乜嘢樂器，佢哋都即刻俾咗唔少建議。我覺得The Clover Wedding Music真係幾有經驗，唔會求其應付😚。表演方面，歌手唱得真係幾好聽。有一首係我朋友自己寫嘅新歌，歌手未唱過，The Clover Wedding Music知道之後仲緊張過我，即刻叫我 send首歌俾佢哋準備，呢點幾值得讚🥰。現場表演亦都好專業，我有個朋友識玩樂器，佢都話The Clover Wedding Music做得好好🌟。好多人都話隊 band 表現得好，音樂同氣氛都做到，令成晚都好有 feel。我自己都覺得呢筆錢洗得值，搵到The Clover Wedding Music表演係一個好好嘅決定👍。
唯一一個小插曲就係入場嗰陣，我原本想用副歌位進場，但因為驚副歌唔夠長，就叫咗姊妹出去試下個 timing 。但姊妹可能有啲誤會，佢以為要改做由前奏開始入，結果同band講咗唔同嘅安排，所以band冇同我再 confirm，變咗最後唔係我預期嗰個位。我明白呢件事唔係 band 隊嘅責任，反而係我哋溝通上出咗啲問題，中間太多人傳達信息，搞到有啲錯漏。不過我會建議如果 band 覺得有啲位唔太合理，可以主 動再同新人 double confirm 一次😆。但overall我對The Clover Wedding Music好滿意，佢哋真係唱得好聽，樂器聲夠大又和諧，成個表演都好專業，賓客都讚唔絕口💕！