我哋一開始主要想搵外籍樂手，所以可以揀嘅樂隊本身都唔算太多，最後就留意到The Clover Wedding Music。一開始同團隊溝通嘅時候，第一個感覺就係好親切。可能大家都係香港人，溝通起上嚟都幾順利，講嘢直接唔會兜圈，有問題問佢哋都會即刻解答，完全冇距離感。喺歌單同揀樂手方面，團隊都俾咗唔少實際而有用嘅意見。例如會提供啲歌手平時唱開、 比較適合嘅歌曲俾我哋揀；同時佢哋都可以配合到我哋嘅要求🥰。成個過程係雙向溝通，會一齊諗點樣做到最好效果。 我自己特別欣賞 band leader 嘅角色。佢會先了解我想要嘅整體感覺，再用佢哋嘅經驗俾一啲專業建議我哋，包括 rundown 同樂隊之間應該點樣配合，佢都會事先提醒，令我少咗好多唔必要嘅擔心🤩。另外，就算我唔係直接同每一位歌手逐個溝通，透過 band leader 都可以好清楚咁表達到我嘅要求，溝通非常有效率。

婚禮當日，現場演出嘅反應都幾好。之後收到親戚朋友嘅 feedback，佢哋都話啲歌唱得好聽，現場氣氛帶動得好好。歌單選擇同演繹方式都得到讚賞，全晚嘅氣氛都 keep 得住，有啲親友甚至會跟住唱或者郁下，真係好開心。除咗演出本身，我都幾欣賞The Clover Wedding Music 喺整體形象同細節位嘅處理🥹。當日所有樂手同 musician 嘅 dressing 都好得體，尊重返我哋揀嘅六星級酒店場地。同埋如果我哋有啲關於場地嘅實際安排，例如需要臨時搬動或者微調設施，佢哋都好願意配合，從來冇拒絕過我哋嘅要求，而係以「點樣做到最好效果」作為出發點去處理。就算我提出啲比較唔算好 normal 嘅要求，佢哋都好 flexible，可以調整去配合我哋，呢一點我自己係幾欣賞嘅。 成個過程都睇得出佢哋好有經驗，亦都好尊重個場合。因為婚禮當日我哋真係好忙，基本上冇乜時間可以坐低去欣賞 The Clover Wedding Music 嘅演出。我只係食第一啖嘢嗰陣，靜靜地聽到一兩首歌，其餘時間都係不停走嚟走去。之後好多賓客同我講話好好聽、好出色， 反而我自己冇乜機會親身感受。 如果將來可以考慮加一個簡單嘅錄音或者錄影記錄，俾新人留返一個紀念，我覺得會幾有意思😆。

因為我當時見到The Clover Wedding Music攞過獎，就覺得比較有信心，最後決定搵佢哋。第一次同佢哋傾計，已經覺得The Clover Wedding Music好專業，好清楚自己做緊咩，所以我都好放心🌟。 喺溝通過程入面，我有時提出啲要求或者問題，佢哋都回覆得好快，而且講得好清楚，咩嘢做到、咩嘢唔做到，佢哋都會講清楚。The Clover Wedding Music仲會主動俾專業意見，好似我本身揀咗一首歌，但因為首歌太長，佢哋就自己睇過曲譜，再考慮埋入場時間，建議我只用其中一段☺️。呢啲位就睇得出佢哋好有經驗，又夠細心，仲幫我諗埋我本身冇諗到嘅細節🥹。到婚禮當日，我真係幾驚喜，因為歌手把聲好好聽，成晚氣氛都好正。我屋企人同朋友都好 enjoy，甚至有人食完飯都唔捨得走，留到十點幾，以為仲會再唱🤣。好多賓客之後都同我講，當晚氣氛真係好正，連婚禮場地嗰邊都話，平時好少有 band 表演，不過見到效果咁好，都想之後搵 band 一齊合作😍。聽到呢啲 feedback，我自己都覺得又意外又開心，成個流程可以話係好順利，無論前期溝通定係當日表演，全部都做得好好。The Clover Wedding Music仲會提供歌單俾我哋參考，我哋都可以add返自己鍾意嘅歌，The Clover Wedding Music都盡量配合，好有彈性😗。