因為我朋友之前都用過SiuMing.Photo，見到佢影啲相幾靚，就係朋友介紹底下就㨂咗SiuMing嘅Package，相比其他，始終SiuMing佢係十大攝影師，所以價格都合理，相比無名氣嘅攝影師SiuMing會貴少少，但按番SiuMing嘅質素就唔會貴。🥸

我當時係同SiuMing直接溝通，我覺得佢係講解方面都好清晰，佢會好仔細咁俾我睇佢過去嘅作品，講解Package都好清楚。 係溝通Prewedding嘅安排時候，SiuMing都會好配合，所以成個過程都好順利，SiuMing所有嘢都會溝通得清清楚楚，本身我哋就有個Package㨂咗係歐洲影Prewedding，但因為疫情就去唔到，所以我就另外係香港影本地一輯，歐洲嘅行程就係疫情後再影。🤠

我本地嘅Package就㨂咗西灣泳棚、大排檔，再Book咗Rosewood一間房影相，我嘅Package入面都包埋化妝，老婆都覺得個化妝師好好，佢成日都好主動同細心，全程都好Care佢，所以都好滿意化妝師💓。 SiuMing係整個過程都好專業，因為有啲地方佢都影過，佢唔需要好耐去摸索個地方，而係好快話你知邊幾個位置影相會比較好，因為當時都好熱☀，SiuMing都好有耐性幫我哋去影相，SiuMing係整個過程入面都好Focus係影相，我覺得SiuMing影嘅相感覺都幾經典，而且能夠突出到個感覺出嚟。拎到Prewedding嘅相之後我都有俾朋友睇，直到Big Day當日Show出嚟，都有好多朋友讚話啲相好靚。👍

因為有啲攝影師會影Prewedding好靚，但Big Day就未必，我自己就係Ritz Carlton擺酒，而SiuMing都有過去喺Ritz Cartlon影過相，出嚟嘅效果都係我哋想要嘅感覺，睇完佢嘅作品，就對SiuMIng有信心，所以就搵咗SiuMIng作為我哋Big Day當日嘅攝影師。📸️

係Big Day前我哋都有俾曬所有Rundown同傾過細節，因為我本哋本身都快俾資料佢，所以SiuMIng都無刻意去改我哋嘅Rundown，因為我哋嘅時間都好Tight，但SiuMing都非常配合，我老婆就想影多啲地方，而SiuMing都配合曬我哋嘅諗法，去用盡曬所有時間幫我哋影相。🥰

係Big Day當日，我就㨂咗2P1V，SiuMing都好專心，同埋我欣賞佢係好短嘅時間就揀咗當日影嘅靚相剪成一條短片，即晚就可以俾到賓客睇番朝早嘅相同Video🤗，而錄影師當日都好好，佢成個感覺好Fuuny，因為我哋都唔係識影Video，都係佢哋Guide住我哋，岩偈有好笑，同時又做到嘢，我哋睇番當日嘅相都好滿意，都有好多Feeback番嚟，因為SiuMIng擺咗啲相係Video前面，佢哋睇完都話影得好靚，Even事後都有朋友問番我哋到底係搵邊間幫手影相，加上酒店個Screen都OK，所以成條片出嚟嘅效果都幾Perfect。🤓

我覺得整體上佢哋影相嘅認真程度真係超乎我本身預期，佢哋會用盡曬所有時間幫我哋影相，有啲位置其實我都無去諗過，但SiuMing佢哋會企係我哋嘅角度，將件事做到最好，佢整日都係無停過，一直趕執相同趕Video，都係非常快手，佢哋完全係我嘅賓客面前都可以Show到佢哋嘅能力可以去到邊，整體感覺真係好好。🏅

因為老公嘅朋友之前就有用過SiuMing.Photo，係佢哋介紹之下就認識咗SiuMing，我哋都有搵過唔同嘅攝影師影PreWedding，因為我哋PreWedding會影兩輯，因為真係鍾意SiuMing嘅攝影風格，所以一開始傾嘅時候已經係一個Package包曬Prewdding同Big Day。😆

SiuMing係講解Package都幾清晰，佢會同我哋Zoom call講解所有嘢，俾我哋睇番佢過往嘅相，同我哋講解番Prewedding同Big Day嘅流程同時間嘅安排同價格，同埋佢本身Catalog都有寫清楚拍攝時間，如果Addtional hours需要幾錢都好清楚。🤓

因為前期我哋已經同SiuMing講咗我哋會先影酒店，再影戶外，我哋就㨂咗3間酒店俾SiuMing幫手俾意見我哋，我哋㨂完酒店，佢都有推薦我哋Base on我哋影相嘅鐘數去到幾遠，同埋點嘅行程先用曬所有嘅拍攝時間。🧐

Prewedding當日，化妝師都好好，做嘢好細心，佢全程都會留意我嘅衫會唔會唔整齊，仲會話俾我聽邊個Pose會好啲。因為最後我哋係去咗中環幾個嘅境影相，SiuMing都好好，就算時間係緊迫，但佢唔會催我哋，因為我自己本身係唔識擺Pose影相，但佢會一直咁教我哋點擺Pose，同會邊個角度效果會好啲，一直咁指導我哋，佢會Make sure所有嘢係調較好，景真係OK先會影。🥰其實當日都有啲Overrun，但SiuMing唔會影到一半夠鐘就走。當日整個團隊都好Nice，都睇得成條Team都合作咗好耐嘅時間，佢哋之間好有默契，所以整日都好順利。😌

影完相嘅幾星期左右，SiuMing就Send番執咗相嘅效果俾我哋睇，睇番PreWedding嘅相都覺得好靚，而且有啲效果我哋都好Surprise，啲相比我哋嘅預期係更加好😍。我嘅朋友睇完啲相，都讚輯相效果影得好靚，Comment都係好Postive。😚

準備Big Day嘅時候，我哋出咗Rundown就俾咗SiuMing睇，佢都有問番我哋當中嘅細節，係Big Day當日我哋都Feel到SiuMing好有經驗，當化妝師仲幫我準備嘅時候，SiuMing佢哋就會好善用就會影啲靜物，例如對戒、婚紗呢啲，佢本身份人都非常之Nice，係我哋同屋企人影相嘅時候，SiuMIng又會講嘢好得體，斟茶嘅時候，SiuMing都會教屋企人應該望邊面嘅位置等等，整體上成日都好順利。👍

我影完Prewedding同Big Day兩輯相後，覺得SiuMing.Photo佢哋係一個好專業嘅團隊，佢哋唔會公式化咗成個過程，佢哋會寧願用多啲時間，目標都想影出嚟嘅效果好啲，呢點都係我好欣賞嘅地方。💓