其實我哋同 Siu Ming Photo 嘅相識可以話係幾有緣分。最初係因為有個親戚結婚時搵咗Siu Ming Photo，睇到佢哋嘅相簿，覺得啲相真係好靚，所以拎咗Siu Ming Photo嘅聯絡方式🌟。因為我哋喺倫敦到住，媽咪幫我哋去睇婚展，咁啱好見到 Siu Ming Photo，佢話Siu Ming Photo嘅相片好吸引。最神奇嘅係Siu Ming Photo就係之前我哋覺得影得靚嘅嗰個團隊，所以話緣份都想我哋揀佢哋💖。同埋我哋都幾鍾意佢哋嘅風格，係好grand 又classic。第一次同 Siu Ming 見面嘅時候，覺得團隊好友善，唔單止會仔細聆聽我哋嘅需求，仲會從我哋嘅角度出發，俾咗好多專業建議😚。喺 Pre Wedding 嘅部分，我哋揀咗倫敦同威尼斯拍攝。倫敦係因為我哋喺呢到住；而威尼斯就係因為喺 Siu Ming Photo 嘅網站見到之前團隊影嘅相好靚，特別係佢推介嘅Lake Misurina，真係好靚❤️。

拍攝過程真係好輕鬆同愉快，Siu Ming 唔單止好細心，仲會教我哋擺pose同表情，即使我哋一開始唔太自然，最後都可以投入狀態。佢亦好留意一啲細節，例如係新郎bowtie亂咗，真係俾人感覺好專業✨。特別值得一提嘅係，喺海外拍攝嘅時候，我哋同 Siu Ming 一齊住喺 Airbnb，感覺真係好似同朋友相處咁，都好輕鬆👍。Siu Ming 都好健談，亦好貼心，令成個拍攝過程更加開心💯。

有一個驚喜嘅地方係喺我哋Big Day當日，Siu Ming 特登準備咗兩幅我哋pre wedding，拎咗獎嘅相俾我哋擺喺場地，成個畫面好豐富，好似收到一份特別嘅禮物咁，真係好驚喜🤩。 Siu Ming Photo嘅早拍晚播個flow好好，捕捉到重要嘅moment，佢哋仲準備咗個photo slideshow，真係好豐富，我哋真係好滿意💯。不過我哋覺得Siu Ming Photo喺admin方面可以再進步。同埋佢哋可以加強網上嘅marketing，因為團隊比較專注影靚相，就會少啲宣傳，但因為好多年輕人都係喺網上揀攝影師，佢哋影得咁好，如果因為宣傳而少咗新人認識到佢哋，咁就有啲可惜🥲。

我最初認識 Siu Ming Photo 係見到有場婚禮嘅拍攝係由 Siu Ming Photo 負責。我覺得佢哋嘅作品好特別， 特別係角度同燈光方面做得好出色，所以就記住咗佢哋🤣，之後我仲去佢哋嘅studio睇多啲作品。雖然之前都有試過搵其他攝影公司，但總係覺得未係自己想要嘅嘢，直到睇到 Siu Ming Photo 嘅相，覺得佢哋影得比較好，所以就揀咗佢哋🌟。 我覺得 Siu Ming Photo 事前嘅briefing做得幾好，而且佢哋回覆得好快，喺rundown方面，佢哋都會俾啲意見我哋👍。 Siu Ming Photo 嘅作品好多都係影夜景或者 燈光效果嘅相，幾有特色。不過影pre wedding嘅時候，天氣唔好，落咗雨🥲。但 Siu Ming Photo 嘅應變能力好好，佢搵到一個可以做到相同效果嘅場地，令我哋唔洗改期，避免咗重新請假同租衫嗰方面嘅麻煩😳⭐️。

婚禮當日， Siu Ming Photo 同佢嘅團隊準時嚟到，表現得好專業。佢哋會同我哋解釋會影啲咩同每一部分用幾耐時間，仲guide住我哋出入門嘅環節，幫我哋跟返rundown個時間，每一個重要嘅moment都有影低🥹。Siu Ming 主要負責影我哋嘅花絮同特寫，而另一位攝影師就負責影group photo，團隊之間又會互相補位👍。拍攝期間，佢哋捉到好多特別嘅moment，例如屋企人難得嘅笑容，令家人睇到啲相都覺得好驚喜。

Siu Ming Photo 真係好細心。進場嘅時候，有啲花瓣跌咗喺我哋啲頭髮上面，佢哋都第一時間提醒我哋。呢啲細節令我哋感受到佢哋真係用心🤓。 Siu Ming Photo 亦都對場地好熟悉，因為我哋嘅婚禮嘅場地係Siu Ming咁啱喺一個星期之前有喺嗰到影過相，所以佢對拍攝上點拎角度都有啲經驗。我哋鍾意酒店泳池隔離嘅草地，附近有個公園，Siu Ming 好快就搵到好嘅拍攝角度，效果真係冇諗到咁靚😆。 婚禮完咗之後唔夠一個星期，我哋已經收到咗啲有調過色嘅相，其實我哋原本都估計要等一排先有相睇到🤣。啲相質素好好，屋企人睇完都話好滿意，甚至有啲驚喜😚。