因為Siu Ming 喺我老公朋友，所以就去咗SiuMing Studio睇下相嘅樣版，我自己就去佢IG睇過啲相見風格合適，價錢都OK，就㨂咗Siu Ming幫手。🤓

我哋同SiuMing溝通過程都順暢，佢可以好快就可以覆到我哋嘅問題。影Prewedding之前Siu Ming就俾一個好詳細嘅Rundown俾我哋，亦都會提醒我哋要影相當日要準備啲乜嘢，當日佢都會Book埋車，會車曬我哋去唔同嘅地點影相，所以整個流程都好Smooth，唔需要我去煩惱。✌

當日化妝師係 SeoulMagic 既 Tiffany Suen好幫得手，化妝風格都好合適，當日都好貼心，幫我整理各樣嘢，我自己就好鍾意SiuMing嘅攝影風格，佢嘅Suggestion都好好，因為Siu Ming都知我本身跳舞，所以當日佢都有幫我諗吓有物舞蹈嘅就嘅Pose，所以我哋都影到好幾張幾特別嘅相，我都專登將呢幾張放大咗印出嚟放廳。👍

當日影出嚟效果比我預期好，因為我哋影當日天氣其實麻麻哋，一直都陰天嘅狀態，後來Print out出嚟嘅相，佢本身調色其實唔會話調得好誇張，而佢搵嘅角度同趁天氣好嗰下影多幾張相，所以啲相效果感覺就好陽光。睇得出Siu Ming都好俾心機去搵角度、唔同時段去影相。🤩其實當日我本身Expect會落大雨，🥺所以我哋當日喺一直睇住個天氣一直Adjust影相嘅時間同行程，所以Siu Ming安排真係非常好。

因為prewedding嘅相效果好滿意，所以我Big Day都Keep住搵佢影相，而我自己Big Day前期工作比較忙，所以好多嘢都無特別做research，反而Siu Ming就真喺好細心咁話曬啲成個流程同需要注意嘅地方俾我知，喺影相以外都俾咗好多意見我。

Siu Ming見我化緊妝或者其他忙嘅時間，就會搵其他題材嚟影，佢哋會𠱁下小朋友、老人家擺Pose影相，又會主動搵其他賓客影相，朋友都好鍾意佢影嘅相，因為我哋都唔識好多傳統禮儀，Siu Ming都會全程俾好多提示俾我哋，而當日佢哋都係第一次同我嘅大妗同其他Party合作，但佢哋合作都好Smooth，所以全日我哋好順利，而就我手頭收到嘅成品，我同朋友都好鍾意。🥰

我哋喺考慮婚紗攝影搵邊個嘅時候，屋企人推介左一個攝影師俾我，而SiuMing就係我自己心水嘅攝影師。我覺得價錢唔係問題，最緊要係影得好、影得靚，所以都想了解吓兩位攝影師先。🤓而我先生比較關注嘅位係光暗同構圖。係我哋睇過作品之後就覺得SiuMing相對來講係特別好多，最後決定係搵佢嘅。😉

我對時下流行果種好似落層Filter，有朦朧感嘅相未必好鍾意，我反而想要一種長青嘅效果，希望以後睇返都覺得唔會有好重嘅年代感。再加上SiuMing佢有一個星空Signature嘅相好Impressive，可以攞來做貼，就更加合我心意啦。😍

至於我老公方面，佢都覺得Siu Ming嘅相係可以呈現到佢理想中想要嘅光暗同埋對比。係佢影完我先知道原來黑白相都可以咁有feel，有另外一種韻味。😎

其實影相當時Siu Ming都會指導我哋點樣擺Pose，話俾我聽點樣擺pose先係最好、最靚嘅。佢地crew負責打燈嘅人好好眼力，竟然發現到我同老公眺望遠方嘅時候，眼神唔同方向。🤭佢仲好樂於去鼓勵同稱讚我哋，俾咗我好大嘅自信心，令到成個過程更加自然同埋開心。

由於我職業嘅關係，暑假影相會比較方便。而我自己其中一個想去嘅地方係我擺酒酒店內部嘅位置，我都係同酒店協商咗，開放一日俾我影。原先諗住去完酒店再去其他地方嘅，但係可惜當日天公不作美，而酒店冇其他日子，所以一定要影咗酒店先。

咁但係Siu Ming都好好人提議我哋將拆開兩日影，第一日就影酒店，第日呢就影另外一個外景。我本身想要城門水塘，有湖又有樹林景，不過原來城門水塘好似要book，比較麻煩，所以我哋最後都聽Siu Ming嘅意見去咗另外一個差唔多feel嘅湖，仲有小船可以影。🤓反映到Siu Ming佢對攝影嘅地方都好熟悉，好快就比到相應嘅提議嘅Second plan。☺️

我覺得經過第一日酒店嘅相處，第日影湖景嘅時候大家嘅合作更加有默契。SiuMing知道我咩角度會靚啲，化妝師亦都化咗個更適合我嘅妝容。😌收到相之後我哋都揀咗好耐，每張都覺得好靚，每一張都好想要。不過如果可以快啲收到相就更加好啦。🤣

我用咗Pre Wedding嘅相做Big day嘅Photo gallery，朋友都大讚話好靚。我媽咪仲有讚佢哋嘅Album整得靚添！😘SiuMing佢哋成對Crew都表現得好好。去到Big day佢哋都係發揮返一貫好嘅水準！