Siu Ming嘅影相技術同埋服務質素真係好好❤️，我喺嗰度買咗三個package，一次比一次令人滿意💯。 當初選擇Siu Ming係因為佢影出嚟嘅相更加有Pre Wedding嘅feel，而唔係一啲雜誌封面嘅效果，可以影到Wedding自然嘅感覺，型一啲又得，溫馨一啲又得，角度捉得好靚😍。 而且Siu Ming會同我哋我哋直接溝通。嗰陣我哋online搵佢傾咗一陣，Siu Ming就叫我哋可以上去佢Office再睇下相，深入了解下佢嘅攝影風格符唔符合我哋想要嘅，又會親自講解唔同planning，所以我哋聽完第二日已經即刻過數，決定要揀佢🤩。

我哋搵Siu Ming影第一輯相係選擇影外景（特別係夜景），我哋揀佢最重要一個點就係佢影夜景真係影得好出色👍，佢其中幫我哋影一張相係可以影到成個汀九橋，非常壯麗🥰。而且佢影相都會自己創作一啲小巧思，例如我條裙係有少少透紗，佢會擺一盞燈係我條裙後面，令影出嚟嘅效果真係特別有feel，每一張都好獨特😍。 影相過程Siu Ming仲好有耐心咁指導我哋。我哋平時比較少影相，Siu Ming會好有耐性教我哋擺pose，又會用唔同嘅角度就我哋😆。佢幫我哋影相真係超級盡心盡力💪🏻，加上我哋又好想同自己嘅寵物影相，就忍唔住搵佢再影第二輯啦😍！

其實佢本身係冇喺Office攝影嘅planning，而佢超級好心幫我哋度左一個新嘅planning同價錢🥰。最後，佢幫我哋同寵物影嘅嗰輯相都好有一手，過程都好順利🤩。同埋即使我哋嘅攝影時間有over run，佢都冇再計我哋錢😚。 到影完相之後，Siu Ming有將所有相都畀返晒我哋，等我哋再選六十張精修。佢除咗幫我哋執相，佢仲會幫我哋安排相簿嘅排版，幫我哋打點晒一齊，等我哋唔使煩咁多嘢🥰。甚至有一次我哋揀相時，揀咗一張比較蒙、out fo嘅相，佢都會提醒：「我哋係咪真係要揀嗰一張啊？」，感受到佢好為我哋設想❤️。

至於點解會有第三輯呢～係因為Siu Ming搵我哋影Demo！佢無論係化妝定係攝影都會一手包辦，而且最後仲會畀返晒所有相我哋😆。雖然佢唔會幫我哋P相，但佢願意俾我哋自己用Photoshop再精修啲相po出去，好直接爽朗🤣。 Siu Ming唔單止攝影技巧勁，好多嘢都落手落腳做添，毫無架子。佢喺拍攝嘅過程中有幫我整一整裙、挽鞋。不單止Siu Ming好好，佢條Team嘅服務態度都好好💯。

另外，Siu Ming做嘢好有效率，所以最後我哋big day都係揀咗佢幫我哋影。嗰陣佢幫我哋影嘅時候係跟足rundown，好勁㗎💕！！因為我成個婚禮係喺晏晝開始，夜晚九點左右結束，而佢都可以好快手整到早拍晚播出嚟，仲要係執得好好，晏晝兩點我哋喺度斟茶嘅相、四點喺酒店影嘅相，佢居然可以喺咁短時間做到高質素、高效率嘅成品，係feel到佢有用心去影💕。 Big day嗰日我覺得Siu Ming影啲相真係好靚呀😍，我仲誇張到係喺酒店走廊搞咗一個Siu Ming嘅相展，擺咗佢幫我影嘅12張相🥰。嗰10分鐘嘅片同埋佢影出嚟嘅相，我老至八十幾歲，小至十幾歲嘅親戚都大讚Siu Ming影得好靚👍，連我已經影咗Pre Wedding嘅朋友、做開伴娘嘅姊妹都讚不絕口😉，甚至係酒店做開event嘅AV team同manager，佢哋見到我擺出嚟嘅相都話啲相係靚到不得了😍！真係好誇張🤣！

我喺IG度見到Siu Ming啲相，覺得佢影女仔影到好有氣質，同埋影婚紗啲光影效果處理得幾好😍，令我覺得佢同其他攝影師有啲唔同之處👍。之後我上咗佢studio度睇佢啲作品，覺得佢都介紹得幾好💪🏻，又係一個好有經驗嘅攝影師，最後揀咗用佢pre-wedding加big day攝影嘅package😏。

我哋影pre-wedding之前，Siu Ming有介紹香港嘅唔同景點可以影到點嘅style，我睇過佢啲相之後就揀咗兩三個地點。佢好有攝影觸覺，有時見到構圖好嘅哋方都可以好帶到我地點樣擺位影相📸，我覺得佢嘅眼光好信得過💯。佢哋pre-wedding包埋同另一間公司合作嘅租衫服務，我覺得租衫嗰邊嘅服務都好好🥰，我試咗8至10條裙佢哋都仲好有耐性❤️。

Big day當日玩新郎同接新娘啲環節，佢哋隊crew都會教下我哋講啲咩說話可以帶到個氣氛出嚟🤩。佢哋朝拍晚播嗰條片好多賓客睇完都話覺得好touching，我自己亦都覺得好好🥰!