我中學年代，好細個就已經開始睇婚紗相，當時我會追住啲雜誌嚟買，其實當時自己根本就未有耐會結婚，但係就係俾婚紗相嗰種美感深深咁吸引住。Anyway啦，所以其實我對婚禮攝影師都有一定認識，心目中或多或少都知自己想要乜嘢效果😊。

我對一個好嘅婚禮攝影師嘅要求就唔係就係「❌不能罐頭」。有一啲攝影師我望兩望就已經知道又係出罐頭貨，張張都差唔多。而留意到 SiuMing 其實已經好耐，因為佢喺行內都有一定名氣，特別係佢幫宋熙年影果輯相，同埋cross over一個本地designer 「Jeff Dark Art」嘅時候我心目中就其實已經揀定咗佢啦😌。

另外不得不提就係，我鍾意SiuMing 係因為佢好識處理光影同夜景，呢樣嘢並唔係好多攝影師可以掌握得咁純熟，而SiuMing真係大師級呢一點真係贏晒。 SiuMing 係一個好特別嘅攝影師，好多坊間所謂大師都好有性格，為咗要達到佢哋所謂大師級嘅要求，有時會好串要求客人迎合佢哋，但係SiuMing就完全唔會有咁嘅架子，佢係一個好有禮貌，完全冇藝術家脾氣嘅藝術家，係一個真 artist。佢為人非常之隨和，無論任何時候都一定首先問咗我自己想點先，佢會好用心去問你，去同你溝通，去了解你嘅喜好同埋你嘅style係點，佢會好貼心咁幫你design你心目中想要嘅效果，完全唔會夾硬嚟，逼你做啲你唔想做嘅嘢。

SiuMing佢成日話我嘅感覺最緊要，佢唔係得把口講，佢係真真正正會俾你感受到佢對你嗰種尊重同埋照顧，例如我自己雖然話睇好多婚紗相，但係當自己真係成為相中嘅主角嘅時候，表情pose 呢啲真係唔係話想做就做到出嚟，SiuMing會非常用心咁指導我，慢慢教，慢慢引導我去呈現自己，呢點真係要讚👍🏼。

真係不得不提，我之前搵另一位攝影師影咗一輯 Pre Wedding 係一輯比較型格，比較chok嘅一輯相。咁到我搵SiuMing影big day相嘅時候我其實係想影一輯sweet啲，浪漫啲，溫馨啲嘅感覺嘅相。但係我bigday揀景點嘅時候，又唔知點解揀咗孫中山紀念館同埋石澳。咁當時SiuMing都話呢兩個景點其實襯型同埋襯chok會好睇啲，不過點都好啦我嘅要求講咗俾SiuMing聽，佢都會指導到我可以影得出好sweet嗰個感覺，我睇到孫中山紀念館裏面同我老公嘅合照，嗰刻真係好感動，因為出嚟真係exactly我要嘅感覺，我post Facebook同IG個個朋友都大讚🥰！

另外我好深印象嘅就係bigday之後我個心成日囉囉攣好想睇相，我都知道唔應該催攝影師攞相，我忍咗兩個禮拜都終於忍唔住，我就問SiuMing可唔可以比住一張相我頂住癮先啦😅，SiuMing不單止冇俾說話我聽，佢仲好快咁俾咗幾張highlight我，記住，我只係要求一張，佢反而俾咗幾張我！我真係好開心，因為佢係真真正正明白一個新娘子嘅心情，呢個服務態度真係一流。 非常多謝SiuMing今次幫我進行嘅拍攝工作，佢真係可以好完美咁將我 Jeff Dark Art 條裙，我個造型，同埋指導我使我可以組合出一幅完美嘅藝術作品，衷心感謝 SiuMing，好多謝你幫我☺️。

我喺IG嗰度search👀到SiuMing Photo見到佢哋啲婚紗相影得好靚，咁就了解下佢哋嘅服務。

之後SiuMing同我哋喺Zoom度見面，佢大致都同我哋介紹影相嘅整個流程，亦都有俾我睇佢嘅作品，發覺佢嘅作品真係好啱自己嘅style👍🏻，所以都冇再考慮其他，就join左SiuMing Photo嘅服務。

影相之前，我哋上咗去SiuMing Photo嘅studio度開會，過程入面我哋本身都無乜idea，我都唔係好知道去邊度影相會比較好，但係佢哋一聽到我想要嘅相片風格之後，就即刻建議同路線俾我哋，最後我哋去咗鶴嘴，中環同埋西環石灘去影相📸️。

影相當日的化妝👧🏻，頭髮造型都好靚，化妝師Tiffany好細心，而攝影師SiuMing都好專業，教我哋點樣擺pose，會影得更加靚。 當日成個攝影過程十分順暢💯，暫時收到相嘅效果都好唔錯，再次多謝SiuMing photo的幫忙。