當我地認識左SiuMing.Photo之後， 我哋都好鍾意佢哋嘅拍攝風格同角度燈光，最吸引到我地係佢哋有星空相✨， 可以做到我哋想要嘅特別效果😚。 不過當我話要同老公未決定揀邊間攝影公司之前，都有睇過佢哋嘅網站同評語， 睇完都覺得佢哋幾好， 所以就決定將Pre Wedding交俾SiuMing.Photo！同佢哋溝通嗰陣都feel到好認真同積極咁解答我哋嘅問題🥳，都冇hard sell我哋。

我地Pre Wedding影咗星空同日落。影相一開始有少少緊張😖，因為平時都好少著到咁隆重影相。攝影師Siu Ming，一個負責打燈嘅同事同化妝師都好專業，攝影技術、捕捉表情、打燈、執相都好好🤩。Siu Ming都有帶動氣氛，令到我哋投入啲，冇咁緊張同放鬆啲🥰，佢捕捉表情同角度都好好！🥰我哋去咗西環沙灣徑影日落，夜景喺石澳影。化妝師Tiffany化妝同set頭嘅技術都好好，都有同我溝通過我想要啲咩嘅妝容，最後同我化咗個滿意嘅自然妝💗。Tiffany當日都好細心咁照顧我，整體都好順利，天氣都好好，啲相影出嚟好靚，光線同埋表情捕捉都好好，都係預期中想要嘅效果，係一個好好嘅體驗😆！

我有個朋友之前跟過Siu Ming學影相🤣，話Siu Ming攝影技術好好，所以介紹咗比我，跟住我就search佢啲作品嚟睇，覺得佢影女仔同景都好靚。同埋，我好鍾意佢嘅攝影風格，唔會重filter，自然得嚟又classic😋，但又唔會好有年代感。Siu Ming啲相style都好多變，有型格嘅，亦都有sweet同溫馨嘅風格。所以，我哋就約咗上Siu Ming Photo嘅studio傾下。Siu Ming比咗好多唔同效果嘅相比我哋睇，又好留心咁聽我哋想要咩效果，了解我哋嘅需要，呢點真係好欣賞佢😽👍🏻。最後我哋就決定join prewedding同big day嘅package。

之後我約去試衫，嗰到嘅staff服務好好💕，佢哋知我鍾意layer多啲嘅晚裝，但呢類晚裝多數都比較重，佢哋知我出去影外景，都會貼心建議我可以返啲輕身嘅款。影相當日，化妝師Tiffany好早就幫我諗定啲髮型點set，又幫化到對眼好靚👁，妝感又好自然，我嘅幾個要求佢都做到，效果我都好滿意。佢仲預先準備咗幾個皇冠頭飾👑比我襯，我之前係冇特別提過，所以覺得好驚喜。Tiffany見我哋啲tie👔、裙👗未整好都會主動幫手整，好細心。

其實，我哋事前都擔心一日影三個景點驚會好趕📸️，但原來Siu Ming已事先plan好曬行程，幫我哋爭取多啲時間影相。當中，我哋去咗Siu Ming推薦嘅大埔嘅私人場地🏞“Lake View”影相，因為我話想去特別啲嘅地方影，但又冇乜頭緒，佢就建議我去呢到，仲幫我哋book埋場地，真係好窩心🥰。當時我哋坐喺湖到影，周圍好似仙境咁，同係外國影相一樣，影完出嚟係超靚，我超鍾意❤️。另外，我哋去影星空嗰條路係超難行，crew都會幫手攞嘢，又會就住我嚟行。我哋開頭影相好緊張，Siu Ming都會教我哋擺pose，教我哋笑得自然啲。我覺得Siu Ming 真係好專業，雖然佢之前都幫過其他新人喺呢個地方影過好多次，但佢都會不停鑽研唔同角度，影出嚟嘅效果每次都係獨一無二，睇得出佢係做足曬準備💯👍🏻。我最深刻係行回程路個陣，Siu Ming 突然叫我哋行去一個我覺得好平平冇奇嘅位置影，我一開始都覺得有少少奇怪，點知到佢比preview我睇，我真係震驚，無諗過我覺得平平冇奇嘅位，佢竟然可以影到咁靚。Siu Ming嘅攝影觸角好勁，呢一張都係其中一張我好滿意嘅相🤗。

其實影prewedding之前幾日嘅天氣都唔太好，Siu Ming好主動話幫我哋改期，驚陰天影出嚟效果唔好，仲幫我哋聯絡埋禮服化妝嗰邊。我真心覺得Siu Ming好好，佢會企喺新人嘅角度諗埋，亦唔介意麻煩幫我哋改期，真係好難得🥰。之後big day嗰日嘅service都係一樣咁好，Siu Ming會就住婚禮rundown比咗好多專業嘅意見🙌🏻。原本我哋諗住搵朋友做MC，但當Siu Ming知道我哋親戚多，佢就建議我哋搵個經驗豐富嘅MC。因為我哋當日rundow好趕，考慮到朋友未必控制到時間，我覺得佢啲建議好全面又實際，整體成個service又好高質🎉！