我有個朋友之前跟過Siu Ming學影相🤣，話Siu Ming攝影技術好好，所以介紹咗比我，跟住我就search佢啲作品嚟睇，覺得佢影女仔同景都好靚。同埋，我好鍾意佢嘅攝影風格，唔會重filter，自然得嚟又classic😋，但又唔會好有年代感。Siu Ming啲相style都好多變，有型格嘅，亦都有sweet同溫馨嘅風格。所以，我哋就約咗上Siu Ming Photo嘅studio傾下。Siu Ming比咗好多唔同效果嘅相比我哋睇，又好留心咁聽我哋想要咩效果，了解我哋嘅需要，呢點真係好欣賞佢😽👍🏻。最後我哋就決定join prewedding同big day嘅package。

之後我約去試衫，嗰到嘅staff服務好好💕，佢哋知我鍾意layer多啲嘅晚裝，但呢類晚裝多數都比較重，佢哋知我出去影外景，都會貼心建議我可以返啲輕身嘅款。影相當日，化妝師Tiffany好早就幫我諗定啲髮型點set，又幫化到對眼好靚👁，妝感又好自然，我嘅幾個要求佢都做到，效果我都好滿意。佢仲預先準備咗幾個皇冠頭飾👑比我襯，我之前係冇特別提過，所以覺得好驚喜。Tiffany見我哋啲tie👔、裙👗未整好都會主動幫手整，好細心。

其實，我哋事前都擔心一日影三個景點驚會好趕📸️，但原來Siu Ming已事先plan好曬行程，幫我哋爭取多啲時間影相。當中，我哋去咗Siu Ming推薦嘅大埔嘅私人場地🏞“Lake View”影相，因為我話想去特別啲嘅地方影，但又冇乜頭緒，佢就建議我去呢到，仲幫我哋book埋場地，真係好窩心🥰。當時我哋坐喺湖到影，周圍好似仙境咁，同係外國影相一樣，影完出嚟係超靚，我超鍾意❤️。另外，我哋去影星空嗰條路係超難行，crew都會幫手攞嘢，又會就住我嚟行。我哋開頭影相好緊張，Siu Ming都會教我哋擺pose，教我哋笑得自然啲。我覺得Siu Ming 真係好專業，雖然佢之前都幫過其他新人喺呢個地方影過好多次，但佢都會不停鑽研唔同角度，影出嚟嘅效果每次都係獨一無二，睇得出佢係做足曬準備💯👍🏻。我最深刻係行回程路個陣，Siu Ming 突然叫我哋行去一個我覺得好平平冇奇嘅位置影，我一開始都覺得有少少奇怪，點知到佢比preview我睇，我真係震驚，無諗過我覺得平平冇奇嘅位，佢竟然可以影到咁靚。Siu Ming嘅攝影觸角好勁，呢一張都係其中一張我好滿意嘅相🤗。

其實影prewedding之前幾日嘅天氣都唔太好，Siu Ming好主動話幫我哋改期，驚陰天影出嚟效果唔好，仲幫我哋聯絡埋禮服化妝嗰邊。我真心覺得Siu Ming好好，佢會企喺新人嘅角度諗埋，亦唔介意麻煩幫我哋改期，真係好難得🥰。之後big day嗰日嘅service都係一樣咁好，Siu Ming會就住婚禮rundown比咗好多專業嘅意見🙌🏻。原本我哋諗住搵朋友做MC，但當Siu Ming知道我哋親戚多，佢就建議我哋搵個經驗豐富嘅MC。因為我哋當日rundow好趕，考慮到朋友未必控制到時間，我覺得佢啲建議好全面又實際，整體成個service又好高質🎉！

我係經朋友而認識到Siu Ming Photo，之後我都有上網睇下佢哋嘅作品，又見大家對Siu Ming Photo評價都好好，所以我就join咗big day拍攝。而我對Siu Ming嘅第一個印象就係覺得佢好nice，又好容易夾到👏🏻。

由於我哋係擺午宴，所以整個流程都超級趕，但Siu Ming團隊無論係出門、入門，定係去到午宴嘅時間都同我rundown跟得好貼，feel到佢哋真係好熟悉rundown，所以成個流程都好smooth，冇overrun，甚至比我想像之中順利🥳。我不得不讚佢哋真係好專業，我啱啱march-in完冇耐，過咗一陣佢哋已經幫我剪好咗早拍午播嘅片，仲要係有埋我啱啱march-in嘅相，勁有效率，而且仲剪得好好，我好滿意🥰。 另外，喺影相嘅時候，因為我屋企人平時好少影相，所以唔係好習慣鏡頭，但Siu Ming會講啲說話令我哋嘅表情可以配合到拍攝，佢亦好識得引導我哋做動作，我覺得佢guide得好好💯，令我哋好放心！我最深刻印象係，當日我爸爸可能太緊張，所以全日嘅表情都好嚴肅，每次影相都見佢笑得好勉強，但最後經Siu Ming剪好播出嚟嘅片，我爸爸竟然係每一張相都笑得好開心，完全無緊張、嚴肅嘅感覺，我真係完全冇諗過，好驚喜🤩，Siu Ming真係好識捕捉鏡頭😆，同時我亦都感受到團隊嘅用心，知道佢哋係精心挑選過每一張相👍🏻。

之後收到Siu Ming啲相，我發現Siu Ming好細心🤩。因為由於婚禮嗰日我好忙，都冇時間仔細去睇過婚禮嘅每一part，但原來Siu Ming有幫我影低咗，無論係backdrop、decor、reception嘅細節位等等，我都可以透過相片欣賞返😍。我老公同屋企人都大讚Siu Ming影得好靚，大家都好滿意，我已經介紹緊Siu Ming比我嚟緊結婚嘅朋友😂！