同Vestido溝通嘅時候，團隊俾我哋嘅印象係專業又認真，但同時好舒服，唔會令人覺得辛苦或者好chur。成個溝通過程自然又輕鬆，大家可以開心咁交流。 我哋揀咗佢哋嘅 pre-wedding 同 Big Day嘅package。拍攝之前，團隊會先了解我哋嘅需求，仲會俾啲建議我哋，大家可以互相討論、商量😚。Vestido唔係拋完啲idea出嚟就算，如果我哋唔接受，反而會諗方法配合我哋，令整個過程好似真係一個 team一齊合作咁。 最欣賞嘅係佢哋嘅態度。佢哋真係好親切，好認真去做好每一件事，唔係單純收咗錢就完事。佢哋會諗點樣幫我哋影到靚相、留到美好回憶，會提出有用嘅意見，大家可以一齊討論🤪。成個過程中，團隊都好有禮貌，唔會令人覺得尷尬或者唔舒服。即使有啲額外請求，佢哋都會盡量幫手，用經驗提供意見。拍攝嘅過程好開心，溝通充分，每個細節都照顧到。最後收到嘅相，真係超出我哋期望，唔止影相，連成個過程都令人好滿意、好開心😄。相比一開始可能覺得緊張或者唔知點做，完成之後真係覺得團隊值得我哋嘅信任，成件事做得好順利。 無論係專業、態度、溝通或者最終出嚟效果，都符合甚至超越我哋嘅期望！

Vestido成個團隊都好 nice、好幫得手，成個相處氛圍都好舒服，唔會尷尬。我哋揀咗 pre-wedding 同 Big Day 嘅 package😆。喺拍攝之前，攝影師同助理會了解下我哋想影啲咩，再俾啲 idea。我哋去日本拍攝嘅時候，其實對啲景點都唔太熟，但佢哋會幫我哋搵位影相，完全唔洗我哋擔心。作為新人，其實我哋對好多嘢都唔熟，都擔心會搞唔掂，但團隊好有經驗、又認真，令我哋好安心。 Pre-wedding 成個拍攝過程都好順利。其實香港影嗰輯，我哋自己都幾尷尬，因為都無乜經驗，但攝影師會幫我哋諗唔同嘅 pose 同角度，Michelle 又好細心咁幫我整理裙尾😙。去日本影嗰輯同 Big Day 嘅時候，團隊好細心，仲會準備啲暖嘅嘢俾我哋，因為日本嗰陣好凍，Daniel 仲俾咗罐粟米湯我，覺得好貼心。成個拍攝過程好似同朋友一齊，氣氛好輕鬆。全部人都好 friendly、好搞笑，大家跟住佢哋做動作，出嚟嘅相同片全部自然同好靚。朋友同屋企人都大讚佢哋，覺得佢哋好 sweet、好 warm，成個團隊真係好照顧我哋同屋企人，真係好幸運揀到佢哋。其實我一開始本來諗住去韓國影 pre-wedding，但最後好猶豫唔知點好，決定轉去日本。呢個時候 Carmen 就幫我搞掂曬，安排我轉地點同確保可以影到靚相。雖然原本計劃已經安排好曬，但佢都肯幫我調整，我真係好感激。 喺成個溝通同拍攝過程中，我覺得佢哋好 friendly，唔係影完相就完事，之後見到佢哋都會打招呼、傾偈，感覺好似朋友咁🥳。

另外Vestido真係會記得新人嘅需求，好有心。拍攝同剪片方面都令我好驚喜💕。例如係香港嗰輯，我哋嗰晚八點影完，八點半就收到條reels，效果好好，真係勁快又專業❣️。日本嗰輯，Michelle 幫我哋拍咗啲片，最後剪咗條好似 MV 咁嘅片，婚禮當日播出嚟，親戚朋友都大讚好靚。我覺得Vestido喺拍攝過程中已經好有自己概念，出嚟嘅作品都好睇同自然，唔會好罐頭，每條都有唔同嘅風格。成個拍攝經驗好暢順，就算 Big Day 有小插曲，佢哋都會即刻教我哋點處理。我覺得團隊俾我嘅，遠超過我預期。拍攝過程冇壓力，成個旅程都好開心，自己同屋企人、朋友都好滿意😚！