我當時除咗Vestido，都有睇過其他幾間團隊，比較過之後，最後揀咗佢哋，主要係因為佢哋提供一條龍嘅服務，影相、Big Day 全部嘢都包曬，好方便，唔洗自己煩太多嘢🥰。同Vestido聯絡同溝通嘅過程都好舒服，同事覆得都好快，唔似有啲公司 book 咗先覆，令人會好擔心。同事又好樂意答我哋嘅問題，無論係婚禮本身定其他細節，都會提供意見同協助，令我哋好放心。拍攝之前，團隊會先了解我哋嘅要求同喜好，知道我哋想要嘅效果同 style。喺 Big Day 嗰日，佢哋亦都好細心，會同我哋講邊個位影相最靚，而且會先問我哋覺得 o 唔 ok，唔會完全唔理我哋嘅意願👍。另外，Vestido 好主動，唔會等我哋問問題先搵我哋，會俾好多建議我哋。例如揀婚紗嘅時候，我都覺得好難揀，同事會 recommend 幾款俾我試，分析邊款最啱我，亦會考慮身型同風格，令我好快就可以揀到心水嘅款。就算我哋唔知喺香港邊到影相好，佢哋都會俾啲 reference 同意見我哋，幫我哋 plan 行程。

成個拍攝過程好輕鬆，Vestido會一路 lead 住我哋，教我哋點擺 pose，唔洗自己諗太多，follow佢哋嘅意見就 ok。成件事做起嚟真係好輕鬆，我哋少咗好多煩惱，尤其係結婚呢啲本身已經好複雜嘅事情。無論係日本拍攝定 Big Day，都係同一位攝影師，大家熟咗就唔需要重新講過曬啲要求，整體嘅溝通同安排都好順暢🙌🏻。Vestido團隊嘅態度同溝通方式都令人舒服，連額外要求都會盡量滿足我哋。回覆訊息快、清晰，又唔洗自己估佢哋嘅意思，對我嚟講好重要，唔洗我哋籌備婚禮嗰陣成日擔心。團隊協調得亦好好，例如揀衫、化妝、執相等等，都用同一個電話 group 統一安排，唔洗分開問唔同人，咁就唔洗擔心自己漏咗嘢或者記錯嘢。整體感覺非常方便同放心。另外，Vestido態度好 friendly，好容易相處。睇相嘅時候，效果完全符合我哋嘅期望，完全冇落差🌟。

其實當時嘅選擇真係好多，好多公司都好進取；相比之下，Vestido 俾我嘅感覺 舒服啲，冇咁大壓力，溝通起上嚟亦都比較舒服。無論係 sales 定係之後接手嘅同事，都幾有耐性，有問題基本上都會回覆。唔敢話樣樣團隊都一定做到，但至少會盡力配合。 攝影師由一開始已經好鼓勵我哋，會教我哋點笑、點放鬆，成個過程唔會好趕，亦唔會好死板。嗰日其實好凍，大概得六、七度，我哋仲要去石澳，但佢哋都一齊頂住，氣氛反而冇想像中咁辛苦🤪。化妝方面亦都令我好驚喜，因為之前喺其他地方試過妝，效果都唔算好啱自己，但今次就完全唔同。完成香港第一輯之後，其實我已經對攝影師同化妝師呢個組合好有信心，所以都 有特別 request 日本拍攝都想用返呢個組合，最後都好彩Vestido安排得到。日本成個旅程都好開心，感覺好似去旅行，影相過程好輕鬆，有講有笑。我哋都鍾意周星馳，所以喺拍攝嗰陣，都加咗啲屬於我哋自己嘅 feel，佢哋都好願意配合，只要你講得出自己嘅idea，佢哋就肯試，唔會話一定要跟死某一套公式😋。

成個過程其實都幾愉快，我感覺Vestido會留意而家啲新趨勢，同時亦都會願意諗下有冇啲新嘢可以再做好啲、再俾多啲新人。呢種態度我覺得幾加分。 除咗攝影師之外，中間嘅溝通同安排主要都係由 Carmen 幫我哋follow💕。拍攝之前，團隊都會同我哋了解清楚大概想要嘅風格同感覺。第一次喺香港影嘅時候，我哋真係冇乜經驗，好多嘢都係去到先慢慢摸索；但到日本嗰輯就唔同，溝通得好清楚。我同老公其實都幾信任Vestido，因為我哋本身對自己嘅要求唔算好明確，所以好多時都會交俾佢哋去 lead。出嚟嘅效果又真係好啱我哋嗰種「講唔出，但心入面想要嘅感覺」。Vestido有啲 shot 位同角度其實都幾有驚喜，例如鏡中鏡、特別構圖等等，睇得出佢哋有花心思去構思，而唔係求其影完就算。就算有時間上嘅調整都會提早講，唔會令你擔心走數或者失聯。Vestido真係俾到我一種好安心嘅感覺！😍