我哋第一次聯絡嘅時候，Wedding MC Fai 俾我嘅印象好好，對我哋嘅問題都會解答，亦會提供意見，令我哋覺得溝通得幾好。喺準備婚禮嘅時候，我哋開過幾次 meeting👍。第一次係一齊出去食飯，大概傾咗兩個鐘，主要傾流程同細節。之後佢都會間唔中安排半個鐘到一個鐘嘅short meeting，跟進我哋要準備嘅物資或者其他事項，確保安排妥當。成個過程我哋一直都有保持聯絡，佢會一直跟住我哋嘅進度，呢點令我哋好放心。MC Fai 經驗豐富，知道點樣搞氣氛，又可以應付到突發情況。例如影證婚相嗰陣，因為有啲混亂，有親戚可能聽唔清楚，過咗嚟影相，但MC Fai好快就安排好，佢可以照顧到年紀較大嘅長者，甚至安慰佢哋，處理場面，令大家都舒服🤓。同埋佢處事圓滑，知道點處理親戚朋友之間可能出現嘅尷尬情況，連影相位置都有特別安排，呢啲細節令我 哋好放心。另外，佢平時 send message俾我哋或者同我哋開會都好輕鬆，唔會令我哋有壓力，好似朋友咁提醒我哋。佢跟得貼之餘，但唔會令人有壓力，整體溝通都夠充分，每個細節都好清楚，所以當日場面可以掌控得好好。 整體嚟講，我對 MC Fai 嘅服務好滿意😆！

我哋覺得Wedding MC Fai好專業，而且好有經驗，令我哋對婚禮有更加清晰嘅概念。MC Fai好主動，會提前約我哋見面，提醒我哋差唔多要開始準備Big Day，之後同我哋一齊諗rundown，睇下可以點樣安排😗。其實我哋自己對呢啲嘢都唔熟，但佢好熱心，會詳細解釋成個流程，仲俾咗啲意見我哋，例如邊啲環節可以預多啲時間。之後我哋都有跟佢嘅建議再諗下點樣做，令到當日可以更加順利，特別係影相環節，之後我哋喺時間安排上做得更加好😋。喺相處上，MC Fai都幾易傾，主動又積極，見面又唔會覺得尷尬，會主動俾意見，商量啲細節。我覺得最重要嘅係佢所有嘢準備得好清晰，又唔會好密咁同我哋溝通，唔會令我哋有壓力😙。

當日MC Fai嘅表現好熟練，講嘢流暢，氣氛掌握得好好，啲吉利說話講得好流利，令到成個氣氛好開心🤩。好多親戚朋友都讚佢呢方面做得好出色。佢唔單止負責主持，仲幫手manage成個流程，例如提醒我哋差唔多要影相，要換衫，會提醒我哋下一步要做咩，所以MC Fai真係幫咗我哋好多，令整件事好順利😇。 MC Fai唔單止專業，仲好主動，當初佢聯絡我哋嗰陣已經問咗我哋好多嘢，例如係大合照嘅安排，之後就幫我哋整理咗個影相次序🥹。當日MC Fai真係完全唔洗我哋操心，有佢lead住成件事，我哋真係好放心☺️。