我當時其實都有同其他 MC 比較過，但最後會揀Mc Fai，其中一個原因係佢回覆訊息比較快，有問題基本上都可以好快得到回應，溝通上感覺幾順暢。第一次見面同傾流程時，我覺得佢幾細心，會逐樣同我哋睇 run down，亦會提醒一啲細節位，例如時間安排、 流程銜接同現場需要注意嘅事項，呢啲對我哋嚟講都幾有幫助😆。 喺籌備過程入面，每次 meeting 佢都準備得算充足，對流程都好熟悉，亦會按住schedule幫我哋調整安排。到 big day 當日，我比較滿意嘅地方係Mc Fai對時間嘅控制，例如我哋希望大 約 7 點賓客可以入席、7 點半開始開席，佢都有幫手協調，令整體流程大致可以按計劃進行，現場氣氛亦算順暢，唔需要我哋再特別分心處理。不過亦有少少地方可以再改善，例如有時發音方面會有輕微懶音，如果可以再注意一下會更加清晰🌟！另外，佢比較傾向跟足 run down，有啲情況現場其實已經出現變化，例如部分賓客已經離開某個位置，個別環節其實可以考慮即場調整。如果可以再靈活少少，整體效果可能會更自然。再者，如果部分講稿可以背得更熟，表達上會更加流暢。 整體嚟講，佢喺溝通、準備同時間控制方面都做得穩定，細節位亦有留意！💕

我當時其實都有睇過其他 MC 做下比較，嗰陣見到MC Fai 有唔少正面評價，所以就決定搵佢🤓。 一開始同 MC Fai 溝通嘅時候，感覺佢好積極，亦都真係幫到手。無論有咩問題問佢，佢都可以好快回覆到，而且解答得好清楚，基本上我哋都唔洗點等。佢仲會主動問我哋嘅進度、約時間開會，成個過程都感覺到佢一路幫我哋睇住個progress，唔洗我哋自己諗曬所有嘢。溝通方面我覺得好足夠，好自然，佢唔會 hard sell 自己。MC Fai 都真係好專業，有啲問題我哋一問都即刻答到，唔洗諗好耐，感覺到佢真係好有經驗，亦會俾到啲實用嘅資訊同建議我哋，令我哋唔需要自己慢慢摸索。到咗婚禮當日，MC Fai 嘅準備都做得好好，無論係流程、時間控制定係講嘢嘅表現，都好大體。之後唔少親戚朋友都有同我哋講，話呢個 MC 搵得好，因為佢可以應付突發情況，處理得好穩陣。就算我哋冇搵到大妗姐，佢都好似半個大妗咁，幫手帶動氣氛😋，整體感覺好自然。 其實成日嘅流程都係靠佢幫我哋同攝影師、場地經理溝通，變相我哋唔洗自己四圍走同vendor溝通，唔洗周圍走。因為事前溝通做得足，佢好清楚我哋嘅諗法，當日就可以幫我哋同其他vendor溝通，真係幫我哋減輕咗好多負擔。講嘢方面，MC Fai 嘅語氣同速度都拿捏得幾好，好自然、好順，唔會令人覺得奇怪或者有壓迫感。現場氣氛都控制得幾好，入場嗰陣已經 feel 到個氣氛好好😙！