第一次接觸Fantasy Concept嘅時候印象幾好，團隊態度好親切，溝通方面直接又清楚，俾人一種幾專業嘅感覺。成個拍攝過程都好順利，攝影師好有經驗，會俾好多意見我哋，例如係點樣擺 pose、邊個角度會自然啲咁樣。因為我哋係去海外影相，Fantasy Concept事前已經搵好幾個景點俾我哋參考，啲景點都幾靚☺️。當日仲有其他同事幫手，我哋都覺得安排得幾貼心。攝影師影相嘅時候會帶動氣氛，令我哋放鬆啲，唔會太拘謹；同埋我哋有乜諗法講出嚟就得，大家溝通得好好。服裝方面，佢哋有嘅款式都算多🤩。Fantasy Concept嘅化妝師都幾細心，開始化妝之前會問我想要咩妝容風格，再幫我調整妝容到啱我個樣同氣質，成個妝容效果自然又精神。喺成個過程當中，團隊跟得都好足💕。無論係拍攝前定拍攝後，都有 keep 住聯絡，會提醒返我哋時間上嘅安排，問下我哋有冇需要幫手嘅地方。同埋同事覆 message 都好快，令我哋覺得幾安心，感覺到佢哋真係有責任心☺️！ 

我之前喺網上睇到其他人留言都幾正面，再加上身邊有朋友用過Fantasy Concept，佢哋都話好，所以我都幾有信心去揀佢哋🥳。 第一次同團隊接觸嘅印象都幾好，佢哋幾盡責又主動，尤其喺pre-wedding拍攝方面，同事都安排得好細心。佢哋會提前提醒我哋要準備啲乜，又會俾啲建議我哋，例如拍攝當日如果天氣好，團隊會提議轉一轉啲場景，話出嚟個效果會更加靚。呢啲細節我覺得好好，感覺佢哋係真心想幫我哋影到靚相。溝通方面我覺得整體都算足夠，雖然有時可能因為佢哋忙，覆得慢啲，但基本上都會覆同跟進🌟。攝影師同化妝師都幾了解我哋嘅期望，會根據我哋嘅諗法提出專業意見，感覺溝通係雙向嘅。拍攝當日，攝影師同化妝師都好專業，會教我哋點樣擺 pose、望邊個角度、喺咩光線底下會靚啲👍。老實講，我同另一半平時唔太鍾意影相，一開始都會有啲緊張，但攝影師會慢慢帶住我哋，令我哋放鬆啲。所以影到中途，我哋都覺得冇咁尷尬，反而開始 enjoy 個過程。 最後出嚟嘅相都幾滿意，效果比我原本想像中更好❣️。

喺成個拍攝過程入面，我最欣賞嘅係攝影師嘅態度同手法。成個拍攝氣氛都好輕鬆， 唔會令人覺得拘謹。我同另一半都唔係成日影相嘅人，一開始都幾緊張，但攝影師一路講笑、引導我哋點擺 pose🥰。佢會好細心咁留意光線同角度，又會提醒我哋邊個方向影得靚啲，成個過程都幾愉快。化妝師嘅表現我都好滿意。佢化妝快得嚟又唔會求其，每個造型都有唔同感覺。每次換衫佢都會幫我 set 個新髮型，咁就多啲變化。仲有佢好細心，例如有時啲裙太鬆或者怕走光，佢都會即刻提醒我😆，甚至幫我開個帳篷俾我整理下。不過我覺得佢哋嘅分工可以再清晰少少，同埋團隊可以整份文件，列出一啲常見問題同答案，因為好多時新人問嘅問題其實都係差唔多。但整體我覺得Fantasy Concept係一個有心、有責任感嘅團隊。因為 pre- wedding 有咁好嘅體驗，所以我 big day 都決定再搵返佢哋💕！