我見到Fantasy Concept啲相幾靚，同埋覺得同佢哋都幾啱傾，所以揀咗Fantasy Concept。佢哋嘅同事都好主動，都會解答我哋嘅疑問🥳。我哋揀咗佢哋嘅pre wedding package。我哋影咗兩輯相，第一輯係喺戶外影，第二輯就係喺室內影。Fantasy Concept都好專業，因為我男朋友啱啱做完手術，佢哋嘅團隊都有特別推薦啲比較輕鬆嘅景點，佢就唔洗咁辛苦。拍攝嘅氣氛都幾輕鬆，團隊又會教我哋擺pose；我哋帶咗啲小道具去，佢哋都會教我哋點樣擺，成個拍攝都順利🌟。

Fantasy Concept嘅團隊都好容易相處，所以我哋決定影完戶外嗰輯，之後就影埋室內嗰一輯。團隊都會問我哋有啲咩要求同埋有冇啲咩需要幫手，都好主動同積極，啲相嘅神情都捕捉得好好👍。 化妝師又會提我要敷mask，妝容方面都幾適合自己同滿意。我記得喺戶外拍攝嗰陣，天氣真係好熱，但化妝師同攝影師都非常細心，會話俾我哋聽邊到冇咁曬，叫我哋喺架車等一等，準備好先落車影，呢個安排真係好貼心🌟。Fantasy Concept嘅衫都好多選擇同好靚，同事都好helpful，會問我去邊到影相，因為揀嘅衫可以襯返個場景。成個團隊都好專業，所以我哋嚟緊都會考慮搵佢哋影第三輯嘅oversea pre wedding🥰。

因為我哋想去土耳其影相，但唔係好多間公司去過，但係Fantasy Concept就有喺土耳其拍攝嘅經驗，又影得幾靚。Fantasy Concept嘅同事都好好，有啲咩問題都會答我哋，用佢哋嘅經驗嚟幫我哋😆。我哋最主要想影嘅係熱氣球，其他地方就係團隊幫我哋搵，如果我哋有想去嘅地方，佢哋都會帶我哋去，最後輯相出到嚟都好豐富👍。

我覺得攝影師表現好好，因為拍攝嗰日我唔舒服，但係佢哋都好有耐性。因為想影熱氣球，所以我哋都好早起身，攝影師好好，影完熱氣球就車我哋返酒店休息，之後先再繼續行程，真係好照顧我。因為我真係好唔舒服，但係Fantasy Concept擔心唔夠相，團隊都會等我休息夠先繼續影，所以最後輯相都有好多景點。 當時我又屙又嘔，真係影唔到相，團隊等我休息之後，再出去影相之後，又再帶返我返去休息，不停來回酒店同唔同嘅景點🥲。因為我哋好少兩個人一齊影相，所以都唔知擺咩pose好。攝影師都好幽默，會教我哋點樣擺pose，又會提我哋唔好駝背🤣。化妝師都幾專業，會知道點樣幫我化妝可以上鏡啲同埋突出啲輪廓。佢由凌晨一點已經開始化妝，直踩十幾個鐘，所以團隊都好辛苦🥹，但係Fantasy Concep為咗影多啲相，都冇準時收工。

最後輯相出到嚟真係好靚，化妝師仲特登準備咗啲新嘅頭飾同耳環俾我，個妝都化得好靚，完全睇唔出我個樣係病緊🥳。因為我哋平時都會影相同執下相，所以覺得光線同顏色嗰啲唔係好啱我哋，同我哋預期中有啲出入，所以第一次執完啲相我哋覺得唔係咁滿意，之後我哋都有寫返啲建議俾佢哋可以點樣執。