我哋覺得Fantasy Concept嘅海外pre wedding package幾啱我哋嘅需求，加上佢哋都有足夠嘅海外拍攝經驗，所以我哋對佢哋都有信心。喺溝通過程中，我覺得Fantasy Concept啲同事好親切，俾我一種好輕鬆嘅感覺，唔似有啲公司咁「集團化」，Fantasy Concept唔會有嗰種成日計較細節、樣樣要額外收費嘅感覺。

拍攝地點我哋揀咗日本京都，團隊都好主動咁建議我哋可以去邊影相，當中佢哋又會問下我哋意見，成個流程都幾順利😚。攝影師方面，我覺得佢唔單止專業，仲好親切。因為我同另一半平時都唔係好習慣喺鏡頭前擺pose，所以初時會覺得有啲唔自然。但攝影師會用唔同方法同我哋互動，搞下氣氛，令我哋慢慢放鬆✨。我哋覺得攝影師可以影多啲近鏡，但啲相整體好靚，如果有多啲近鏡嘅相，會更加多變化🥰。 喺輕鬆嘅狀態下，影出嚟嘅相自然好多，效果都幾滿意😆。

有日攝影師嘅車壞咗，因為要處理車嘅問題，拍攝時間拉長咗。不過佢哋冇表現出趕住收工嘅樣，仲額外用咗一兩個鐘同我哋影相🤩，呢點真係值得欣賞。化妝師真係幾專業，都會俾好多意見我，例如咩妝感、set 咩髮型。因為我哋平時冇乜經驗，所以化妝師嘅意見幫咗我哋唔少🤪，影出嚟嘅效果都好靚。