我係經朋友介紹認識 Miss Suki Wedding ，因為佢哋有一站式服務，我覺得真係好方便，因為租婚紗、化妝、試妝可以一間搞掂曬，唔洗再另外搵其他vender，佢哋仲提供埋試妝嘅服務。同Miss Suki Wedding溝通嘅過程都非常順暢，佢哋回覆得快，溝通都好直接，唔會好複雜💕。佢哋會叫我填自己嘅需求同時間俾佢哋，當中我亦唔需要擔心有隱藏費用或者啲條款好複雜，所有安排都簡單易明，唔洗不停問嚟問去，呢個流程真係幫我慳咗好多時間💖。

Miss Suki Wedding婚紗同禮服款式真係幾多元化，我試咗五套左右，感覺選擇都算多🥳。而且有位同事真係好好❤️，提醒咗我唔好集中淨係試一個款，如果唔係就會嘥咗啲quota，因為當時免費試衫限三套。我揀嘅時候有啲猶豫唔決，但因為呢位同事俾咗啲好有用嘅建議我，所以我決定試一字肩同吊帶款， 最後發現一字肩更加襯我✨。

Miss Suki Wedding 呢一到係可以試婚紗嘅時候，同時試埋妝，所以整體嘅效果真係即時見到。雖然 最後唔一定着嗰件婚紗，但會有個大概嘅模樣俾我參考，慳到好多時間🌟。 妝容方面，我對Suki嘅化妝技術真係好滿意！ 因為我都有睇定一啲妝容同髮型，佢唔單止做到我嘅要求，仲好細心幫我處理咗一邊單眼皮，一邊雙眼皮嘅問題，令兩隻眼睇落去會對稱返🤩。我自己本身都好頭痛點樣處理呢個問題，有時黐雙眼皮貼都未必黐得好，仲可能會大細眼，但佢好輕鬆就做到💯！因為我本身都係怕生嘅人，唔係好敢同唔熟嘅人講太多私事，但Suki會俾空間我，唔會不斷問我嘢或者逼我傾偈，所以我覺得好放鬆😍。佢化妝時唔會有過多對話，但氣氛又唔會尷尬，成個過程都好舒服同自在。 所以係無論係關於妝容定係相處上，我都覺得好滿意😚！

因為我哋都好少對鏡頭， 尤其另一半對住鏡頭好難笑得自然， 攝影師可能會叫佢側身或者背對鏡頭，呢一個位令我覺得攝影師非常專業同有經驗😝。影pre wedding當日天氣好熱，過程中都有啲攰，加上我又擔心影出嚟嘅相會唔靚🥹。但攝影師好細心，佢會安撫我哋，教我哋點樣擺poses。如果我哋頭髮亂咗， 佢仲會即時停低叫化妝師幫我哋整返靚啲頭髮同造型🥹。尤其當風大到令瀏海亂曬，連我都冇發現，但攝影師會提醒化妝師幫我整好，確保每張相都係最好嘅狀態💕。最值得一提嘅係，我其實都有自己中意嘅攝影風格，雖然攝影師有佢自己嘅風格，但佢都願意按照我嘅要求嚟影，令成輯相都好符合我嘅期望，呢一點真係好難得🥰。因為有啲攝影師可能會堅持自己嘅風格，但呢位攝影師好好，會迎合我嘅要求🌟。

我覺得最抵讚嘅地方係Miss Suki Wedding咩都可以選擇💖， 因為出面好多一站式都係商戶決定俾邊個化妝師，邊個攝影師俾自己。而且我覺得與其喺出面大海撈針咁樣搵， 倒不如我係一間公司入面搵， 例如係化妝師同攝影師，我都可以自己揀， 跟住Miss Suki Wedding又送埋花球同免費租借耳環，真係可以一間公司處理曬啲嘢，我自己覺得有安心，又唔會太大壓力。另外，Miss Suki Wedding嘅門口已經係的士站，對於着住婚紗嘅我嚟講真係幾好💯！

如果要俾意見佢哋嘅話，我覺得Miss Suki Wedding可以考慮更新多啲網站，特別係婚紗款式方面。因為我去到門市時見到好多選擇，但喺網站上面就未必睇到咁多！

我係網上搵到Miss Suki Wedding，因為我好怕煩準備婚禮，所以想搵有一條龍服務嘅公司。同Suki聯絡的過程中，我感受到佢好負責任，對我所有嘅問題都非常耐心，都解決到我嘅問題🥹。Miss Suki Wedding團隊唔會介意我喺返工嘅時候唔可以即刻覆message，又會耐心解釋我唔明白嘅地方，我都覺得好放心。我哋揀咗Big Day 嘅package，攝影師會喺Big Day前同我哋溝通，了解下我哋嘅rundown。當日攝影師同拍片嘅同事表現真係非常出色，佢哋合作得非常好，令我哋可以輕鬆享受拍攝過程。我先生係比較安靜嘅，但攝影師成功地帶動到嗰氣氛同lead住我哋，所以我哋都玩得非常開心，佢又會配合我哋，所以影出來嘅相都好自然👍。我大約一個月就收到曬所有嘅相和片，我覺得啲相跟我哋的期望幾乎係差唔多！

化妝方面，我對化妝師 Suki 嘅表現非常滿意。佢嘅妝容自然又long-lasting💖，喺試妝嘅時候，我已經覺得好滿意！仲有佢幫我先生修眉修得好好💯。 髮型方面，我都有send啲相俾佢睇，佢都有完美咁樣還原出嚟。我覺得Miss Suki Wedding喺禮服方面選擇都多元化，cutting嘅話一啲新啲嘅款都有😍！

Miss Suki Wedding嘅一條龍服務包咗化妝、攝影、禮服同埋大妗姐，我完全唔需要再煩啲細節😍。尤其係大妗姐能夠帶動整個婚禮氣氛，親戚朋友都讚佢，姊妹都話第日想揀佢做大妗姐🥰。我覺得佢講嘅吉利說話唔會太過老土，又能夠迎合年輕人同父母的需求，唔會太old school又唔會太過新潮，做到一個平衡，唔會令到我哋尷尬😝。我仲有book埋媽咪，姊妹同新郎化妝，但喺化妝過程當中，我注意到助手用嘅化妝工具似乎唔係咁乾淨，所以希望呢方面可以改善吓🙏🏻。