當時我準備緊結婚，朋友幫我上網搵咗啲CP值高嘅化妝公司，就介紹咗Miss Suki Wedding俾我。我覺得 佢哋化妝師嘅技術幾好，又專業，溝通上都覺得唔錯，最後就決定揀佢哋🌟。我見Miss Suki Wedding都比較多新人願意將自己嘅相俾佢哋擺上網，我諗其他新人對佢哋嘅服務都好滿意同信任佢哋👍。加上我朋友個朋友都用過Miss Suki Wedding，聽返嚟都係滿意嘅評價，所以對佢哋都好有信心💖。加上Miss Suki Wedding仲有一條龍服務，例如可以喺佢哋到搵埋大妗姐同攝影師，咁我就唔洗自己再搵，方便好多。Miss Suki Wedding提供嘅資料都幾透明，冇隱藏收費，我都好放心🤪。

我覺得Miss Suki Wedding嘅客服做得幾好，唔會答啲好官腔嘅答案。我哋問嘅問題，佢哋都會直接俾答案，唔會拋其他問題出嚟，同埋非常好嘅一樣嘢係，佢哋唔會係咁要我哋加package😝。我想搵個唔太傳統嘅大妗姐，佢哋都好快就安排咗，真係幫我減少咗好多麻煩。同埋Miss Suki Wedding會連的士錢包唔包呢啲都講清楚，避免日後一啲誤會或者唔開心嘅情況。此外，Miss Suki Wedding唔會見我哋後生，覺得我哋咩都唔識，就咩都話要加錢🥹。

因為我先生係台灣人，唔識廣東話，我覺得有樣嘢幾sweet係，佢哋安排咗台灣嘅化妝師俾我哋，溝通上會更加方便🌟。婚禮當日，化妝師好早就嚟到，會好細心咁問我嘅意見，唔會逼我一定要接受佢哋嘅意見，最後完成嘅妝容真係好靚❤️。因為我哋時間都比較緊湊，但因為佢哋轉妝嗰到都花咗心思，所以轉妝嘅時候俾人一種感覺係化咗一個新嘅妝。另外一個我覺得幾感動嘅位係Miss Suki Wedding會考慮埋一啲細節位。我以為攝影師同化妝師唔會有任何交流，因為攝影師我係自己搵嘅， 但化妝師會主動問攝影師會點樣打燈， 再決定點樣化，令到我更加上鏡💕。

我覺得化妝師好有責任心💘，嗰日真係全日Stand by，因為之前我有朋友結婚試過化妝師唔知去咗邊。佢哋亦都好專業，唔會有煙味或者其他香水嘅氣味，呢點我都覺得幾好。其實我哋本身都有預到一圍係比做嘢嘅同事，但團隊拒絕咗，因為佢哋話基本上冇時間坐低食，呢個位我覺得佢哋好專業，會明確咁去講自己嘅諗法，唔洗我哋嘥咗啲錢🥹。團隊唔單止幫我化妝，仲幫我好仔細咁放好啲龍鳳鈪同頭飾，甚至會將每條裙掛返好，擺返整齊啲鞋，真係好有條理。除咗化妝，佢哋會擔心我啲嘢唔見，而主動幫我手，令我自己都安心好多。化妝師個gip入面係每樣工具都擺得整整齊齊，化完妝又會幫手執返好張枱，我覺得咁樣好warm，而且覺得佢哋好有條理又專業👍。如果將來有朋友結婚，我都會推薦佢哋💖。

我自己係讀marketing，所以覺得Miss Suki Wedding嘅網站有啲地方可以再優化。例如係有關借頭飾嘅問題，如果佢哋有一個系統升級，客人可以喺網站入面睇到個頭飾有冇被人預訂，咁樣會更加好同安心。另外，如果頭飾嘅選擇可以再多啲，成個體驗會更加完美。另外，Miss Suki Wedding嘅作品集我覺得可以再做得好啲。而家Miss Suki Wedding嘅化妝師都係用自己嘅手機影相，但如果公司俾專業相機化妝師，效果一定更好。特別係而家唔少人會上網睇相，再決定揀唔揀佢哋，所以如果啲相靚啲，會更加吸引新人💯。至於Miss Suki Wedding website嘅風格，我覺得可以再有主題性啲，而家咁樣會有啲單調。如果能夠改善呢啲細節，會吸引到更加多新人🔥。

喺溝通過程當中，Miss Suki Wedding嘅團隊表現得好專業。無論係價錢定wedding planning方面，佢哋都俾咗啲意見我哋參考。團隊亦都好專業，好詳細咁解答咗我好多問題，我哋都好放心🌟。

試妝期間，化妝師Suki嘅態度好nice，佢會問我想化邊一種風格嘅妝容，然後幫我試咗幾款我想要嘅妝容，再俾我自己揀，令到我可以清晰知道邊啲嘢係適合自己，邊啲嘢係唔適合自己😆。過程中Suki仲主動俾啲建議我，最終我揀到一款自己最鍾意嘅妝容，感覺成個過程Suki都好主動同積極。有啲細微嘅位置佢都照顧到，因為佢都有好多經驗，令Big Day當日姊妹都知道自己要做啲咩。至於攝影嘅部分，Miss Suki Wedding嘅團隊亦幫手安排拍攝嘅流程，俾咗好多貼心嘅建議我哋，例如係時間分配同埋影相嘅位置😚，出到嚟嘅效果都正常！