我影Prewedding同Big day都搵咗Miss Suki Wedding幫手，因為我join咗佢哋一條龍服務，包括婚紗、化妝、拍攝、大妗姐同埋花車，而且價錢仲好合理，所以我覺得呢個package好方便😌。之前，我上網見到Suki化出嚟嘅Style更接近我想要嘅效果，加上好多評價都話Suki好細心，好少甩漏，所以就約咗Suki試妝。之後，當我join咗package之後，Miss Suki Wedding嘅職員都好主動聯絡我，例如禮服婚紗嗰邊會主動搵我，問我幾時方便上去試婚紗🤗。

當時試妝嗰陣，化妝師Suki幫我化咗三個妝。佢好nice，會不斷咁同我傾偈😄，令到成個氣氛都好輕鬆愉快，好似朋友傾偈咁。每次化好一個妝，Suki都會好細心，幫我用手機影底，方便我返到屋企同先生商量，又會叫我返屋企慢慢考慮都未遲，唔會push我要盡快決定🥰。影prewedding嗰日嘅妝容同試妝嘅時候都一樣咁靚，我好鍾意。而且Suki換妝都好快手，15分鐘就已經可以搞掂💯。同埋當日都幾熱，Suki同佢助手仲準備埋風扇仔俾我哋，見我融妝都會即刻幫我補，又會幫我拎埋隨身物品，真係勁貼心。而去試衫嗰陣，佢哋嘅職員都好helpful，見我唔識拉拉鏈都會主動幫我，店內又會提供鬆高鞋、高踭鞋俾我配搭。佢哋會先拎個iPad俾我睇咗款式先，再慢慢揀想試邊幾套，之後又會根據我嘅身形推薦款式，仲俾咗好多建議我❤️。其實佢地嘅婚紗都有好多選擇，仲有偏文青啲嘅輕婚紗，風格都偏年輕化，唔會好成熟同俗氣，我覺得好啱我👍🏻。

Miss Suki Wedding嘅攝影團隊都幾好😆，攝影師阿Z會細心地示範點樣擺pose，又會教我哋做啲活潑嘅動作，令到拍攝效果更好。阿Z見我哋唔係好習慣鏡頭，仲教咗啲小技巧叫我哋放鬆啲，令我哋唔會笑得咁僵硬同冇咁緊張，所以成個過程都幾輕鬆好玩。當收到相嘅時候我覺得好滿意😍💕，佢哋嘅修圖技巧好勁，相效果感覺好舒服又好自然，調色都好靚。

Big day嗰日都係Suki幫我化妝，我覺得佢好專業，仲好細心。因為我當日皮膚狀態都幾差，而且好水腫，所以原先決定好咗嘅妝就唔太適合我。Suki一早嚟到🥺，見到我呢個情況，佢十分專業地根據我當時嘅皮膚狀況去調整妝容，出到嚟效果令我都好滿意。Suki嘅應變能力真係好強🥰，呢個都係我揀佢嘅最大原因。而當日嘅所有嘢都好順利，整體服務真係好好，令我可以放心的交俾佢哋，好好enjoy婚禮🥂。

由於我唔係長居香港，所以當初我都係上網搵化妝師，比較咗幾間之後，最後見到Miss Suki Wedding嘅評語overall都好正面🤩，而且價錢又合理，時間上又就到我婚期，加上佢哋回覆息訊又快😃，再睇埋相都覺得Suki化妝都幾好，所以我就決定join Miss Suki Wedding 半日新娘、新郎、媽媽及姐妹嘅化妝，並且約喺12月我返香港嘅時候試妝🤗。

試妝嘅時候，第一次見到Suki，我覺得佢好Nice，好親切🥳。因為我平時好少化妝，對化妝亦都冇咩研究，所以我都問Suki好多意見，佢都俾咗好多唔同意見我🤪。雖然試妝嘅房唔算話好大，不過化妝品都好齊全，而且仲有免費嘅頭飾提供👏🏻。當日我都試咗差唔多兩個鐘，不論係妝容定係set 頭，Suki都整咗幾個option比我選擇。一開始Suki幫我化咗一個濃少少嘅妝，我覺得唔係好慣，之後Suki都好尊重我嘅意見，之後再幫我化咗一個淡啲嘅妝，俾我比較。

Big day當日，Suki同助手好準時早上 6:30已經嚟到我屋企準備。我最後揀咗一個淡啲嘅妝嚟襯返我嘅輕婚紗，Suki都化得好靚，我好滿意🥰。當日我有一個新嘅髮型想set， Suki都即時幫我set到，各方面都盡量配合我👍🏻。而且佢仲將時間控制得剛剛好，佢之前都有講過化新娘妝大概要三個鐘，最後佢都好準時完成。至於其他人嘅妝主要係由助手幫手化，而助手化得都唔錯，媽媽同我嘅姊妹都好滿意🥳。當中，我覺得好深刻印象就係Miss Suki真係好helpful。我哋嗰日朝早想叫早餐食，Suki見大家都有啲忙，佢都好主動幫我哋叫埋，做咗一啲化妝師以外嘅Service，佢真係好好👍。