我太太喺網上搵到佢哋，揀咗佢哋係因為佢有去過我哋嘅場地做過活動，提供嘅服務都好齊全，👍 有好多嘢都可以幫我哋處理。我哋有面談同whatsapp溝通，溝通方面同事都好好，講得好仔細，食物方面佢哋都有俾我哋自己選擇返，同時佢有問我budget可以去到邊度，唔想我哋over budget，☺️大家都好遷就對方，呢方面真係好好👍。

場地方面我覺得ok，係一個田園，嗰度都好整齊同埋好乾淨，☺️賓客佢哋都好鐘意，試菜嘅質素都好好，大家以為會好普通，但係最後佢可以做到超出預期嘅質素，😋好好味，大家好滿意，飲品方面佢哋都係自己調配，所以都好特別☺️。

令我最窩心嘅事係當日嘅活動係11點開始，但係佢哋10點幾已經到場準備幫手搬搬抬抬，好為客人付出🥰，呢方面我真係好佩服佢哋。自己之前都有搵過啲pre-wedding公司，但係就冇餐飲部分，所以反而我覺得呢間公司好好啊～🥰成間公司都好teamwork，整體嘅服務都超出我嘅要求。👍

之前有睇過同類型公司，但係朋友介紹Re.born Wedding所以就揀咗呢間，我主要揀佢哋係因為睇同事都幾responsible，都好熱心解決件事，無論睇場，啲menu，都覆得快。👍我哋都係WhatsApp溝通，同兩次面談，係未落實前，無論幾夜都好，佢哋都覆得超快，所以我好放心交畀佢哋。

佢哋都有豐富catering嘅經驗，而catering嗰part我好信任佢哋。😁我哋用嘅服務主要係場地，decorate同catering。Catering方面有cocktail，一啲類似finger food，有主菜，同埋唔少嘅甜點同飲品，飲品就唔包括酒，但有果汁同熱飲。嘢食上都OK，好多款式畀我哋揀。到最後，我哋想再豐富啲，所以就轉咗二十幾個款，因為我哋都好多人，但係佢哋都好配合嘅。試食嘅時候，覺得味道都好好😋。 

佢哋會比預定時間提早去準備。Decoration都ok，因為會場冇提供，佢哋都會幫我搵埋，出嚟嘅效果完全係我哋想要嘅嘢，啱我哋嘅要求。☺️場地嘅環境都幾靚配合埋deco，超出我哋嘅預期好。音響就一般，臨近證婚前，個音響冇mic冇聲所以就delay咗少少。咁沙頭角場地真係需要讚，因為真係好靚，係個草原婚禮。每一part都好有心思，好多地方可以畀人影相，真係好靚🥰。同埋我哋嘅時間係上午2:30到下午7:30，夜晚嘅時候佢哋都會拉啲波波或星星燈，成個場地睇落去日夜都好靚。婚禮進行前佢哋都有confirm過我哋啲野食，總算跟進得好足。😍👍