嗰陣我哋都有睇過幾間唔同嘅婚禮佈置公司，比較過佢哋嘅package、價錢同服務，最後我哋覺得 Deco House 嘅package最啱我哋心水，所以就揀咗佢哋🙌🏻。 第一次同團隊聯絡嗰陣，佢哋俾我嘅印象幾好，團隊好專業。佢哋唔會 hard sell，係真心想幫我哋做好件事。喺溝通方面，我哋主要透過message去聯絡，佢哋都覆得好快，亦都好有耐性去聽我哋提出嘅意見😙。 我記得初期團隊俾咗第一張設計圖我之後，我都有提過幾個細微嘅修改意見。佢哋反應好快，基本上一個電話就可以講清楚，第二次就已經改得好接近我想要嘅效果。成個過程好順利，唔需要等太耐，溝通上亦都冇出現誤會🤪。

我覺得 Deco House 最大嘅優點就係佢哋會好細心咁聆聽客人嘅需要。好多時我講嘅 idea 或者想要嘅風格，佢哋都好清楚。最後出嚟嘅成品真係同我一開始想像嘅差唔多，好貼近我原本嘅idea，呢點我自己都好滿意。同佢哋嘅同事溝通都好舒服，有時我提意見或者要改動，佢哋都即刻幫我調整，完全唔會嫌我哋麻煩😆。成個合作過程入面，我都覺得幾放心，Deco House俾人嘅感覺係專業又可靠。至於價錢方面，真係要讚下Deco House，佢哋收費透明，一開始已經講清楚package包啲乜、 唔包乜，有啲額外項目要加錢都會事前講明，唔會到最後先突然講。呢點我特別欣賞，整體嚟講，我對 Deco House 嘅服務真係好滿意😍！

Deco House嘅同事都好有禮貌，都好快覆message，整體感覺係一個願意配合新人、做嘢爽手嘅團隊。我哋成個場地嘅佈置都係交俾佢哋負責，主要係用佢哋本身有嘅 sample，再做返少少修改👍。團隊整設計圖都算快，因為我要改嘅嘢唔算多。開會嗰陣，同事都有俾唔少idea我。我講咗自己鍾意啲乜之後，佢哋都會俾建議，同我哋互相交換下ideas，感覺大家合作得幾好。當日啲賓客都有同我講啲deco幾靚😙。我事後睇返啲相，都覺得效果幾好。 其中一樣我比較深 刻嘅係婚禮入口嘅deco，因為本身我有啲三心兩意，唔知自己想整 arch 定係做其他decoration。最後我只係講咗句「唉算啦，你哋幫我諗啦」，佢哋真係有跟住我嘅方向去做，最後整咗個幾靚嘅 entrance，仲加咗塊鏡，嗰啲係我冇特別 request，佢哋自己加上去，而且完全冇收我額外錢🥰。

同埋Deco House同酒店方面嘅溝通都處理得好好。我基本上揀 theme、揀 package、講咗自己想要啲乜，就唔洗再煩其他嘢☺️，都好信任佢哋。好多嘢都係佢哋同酒店直接夾，團隊又熟場地，所以成件事好 smooth。我覺得佢哋最大嘅優點係「幫我解決曬啲麻煩」，唔洗我日日諗點做。本來以為 wedding deco 會好煩，但佢哋幫我處理得好好，兩個 backdrop 我都覺得靚，好滿意成個效果💕。