Deco House俾咗好多建議我哋，幫咗我哋好多🥳。尤其係我自己對婚禮嘅準備都唔算好熟，Deco House俾咗個清晰嘅方向我哋去諗點樣佈置🥰。同Deco House嘅同事聯絡嘅時候，感覺都幾好，對會好耐心咁解答我哋嘅問題，亦都好有禮貌，唔會好心急或者唔理人。當我哋有啲唔清楚嘅地方，同事都會詳細解釋。最重要係，當我哋要求改設計圖嘅時候，同事都會好快咁處理，唔洗我哋等咁耐，又會再確認有冇唔滿意嘅地方👍。我哋揀咗整backdrop同埋arch，backdrop係好似星星咁樣閃閃嘅。當日Deco House都會send返啲相俾我哋，確認有冇地方需要調整，整體安排都好有條理，真係好滿意，唔洗我哋追住佢哋問進度。我哋都唔洗擔心，有啲咩想改，Deco House都會盡量滿足我哋💕！

其實一開始我都有比較過其他公司，不過好多公司都回覆得好慢，有啲甚至一兩日都冇反應。我覺得如果連最基本嘅溝通都唔覆，之後好大機會都要催佢哋交design。所以最後我就揀咗 Deco House，因為佢哋回覆得好快，唔洗擔心後續要催佢哋🤣。

Deco House負責嘅deco包括main backdrop、arch、證婚場地嘅裝飾同埋main ballroom嘅裝飾。雖然當時我仲未確定揀佢哋，但Deco House已經主動提供咗啲reference，介紹吓佢哋公司，又會花時間了解下我哋個場地喺邊到，佢哋有冇做過，同埋我哋嘅諗法，都擺咗啲時間同我哋去溝通😚。之後Deco House仲特別安排時間去我哋嘅場地到度下size，睇吓場地實際嘅樣，因為佢哋之前冇喺嗰個場地做過，呢啲地方我覺得幾值得欣賞🌟。

關於設計嗰方面，當我自己有啲要求嘅時候，Deco House都好願意聽，會跳出個comfort zone睇吓做唔做到👍。設計過程中， 就算有啲位置唔係太清晰，佢哋都好耐心去同我哋溝通😝。就住設計嗰一方面，Deco House又會提出唔同嘅顏色combinations，大家都有好多交流。 團隊又會同我哋講佢哋手頭上有啲咩顏色或者材質可以做個設計，如果我哋有其他嘅要求，佢哋都可以去買新嘅材料去完成，都係一個幾窩心嘅位置，唔會俾太多限制新人💖。每次開完會後，Deco House都會有啲remarks，將啲重要嘅細節記低，俾人嘅感覺佢哋都好認真。當日deco完成之後，我睇姊妹影嘅相發現有啲角度唔係好啱心水，Deco House都好快幫我搬啲花，重新調整返🌟！