其實一開始我都有比較過其他公司，不過好多公司都回覆得好慢，有啲甚至一兩日都冇反應。我覺得如果連最基本嘅溝通都唔覆，之後好大機會都要催佢哋交design。所以最後我就揀咗 Deco House，因為佢哋回覆得好快，唔洗擔心後續要催佢哋🤣。

Deco House負責嘅deco包括main backdrop、arch、證婚場地嘅裝飾同埋main ballroom嘅裝飾。雖然當時我仲未確定揀佢哋，但Deco House已經主動提供咗啲reference，介紹吓佢哋公司，又會花時間了解下我哋個場地喺邊到，佢哋有冇做過，同埋我哋嘅諗法，都擺咗啲時間同我哋去溝通😚。之後Deco House仲特別安排時間去我哋嘅場地到度下size，睇吓場地實際嘅樣，因為佢哋之前冇喺嗰個場地做過，呢啲地方我覺得幾值得欣賞🌟。

關於設計嗰方面，當我自己有啲要求嘅時候，Deco House都好願意聽，會跳出個comfort zone睇吓做唔做到👍。設計過程中， 就算有啲位置唔係太清晰，佢哋都好耐心去同我哋溝通😝。就住設計嗰一方面，Deco House又會提出唔同嘅顏色combinations，大家都有好多交流。 團隊又會同我哋講佢哋手頭上有啲咩顏色或者材質可以做個設計，如果我哋有其他嘅要求，佢哋都可以去買新嘅材料去完成，都係一個幾窩心嘅位置，唔會俾太多限制新人💖。每次開完會後，Deco House都會有啲remarks，將啲重要嘅細節記低，俾人嘅感覺佢哋都好認真。當日deco完成之後，我睇姊妹影嘅相發現有啲角度唔係好啱心水，Deco House都好快幫我搬啲花，重新調整返🌟！

當初認識Deco House 係因為朋友介紹俾我哋，聯絡嘅時候，同事表現得好專業同埋好有禮貌😙。因為我哋自己對裝飾設計唔係好熟，所以Deco House俾咗好多建議我哋，真係幫咗我哋好多。喺deco方面，Deco House就負責設計Backdrop、reception同candy corner🌟。

喺設計嘅過程當中，我哋有上過去Deco House 傾過一次，之後就主要通過電話溝通，當中都感覺到佢哋好有經驗😚。我哋最鍾意嘅係backdrop同reception兩個部分🥰。我哋當時都睇咗唔少嘅reference，最後就要求佢哋整咗啲layered嘅設計，同埋有啲位想要多啲鮮花，而佢哋都有做到我哋嘅要求👍。

我哋提咗要求之後，Deco House好快就有啲design嘅draft俾咗我哋睇，後期再修改嘅時候，啲draft都係交得好快。佈置當日，兄弟姊妹話Deco House嘅同事都係好順利咁完成咗佢哋嘅工作。有啲親朋戚友都話backdrop呢一部分幾靚，係一個比較色彩繽紛嘅設計。另外，Deco House 都幾細心，因為長輩都比較傳統，驚佢哋唔鍾意蠟燭或者以白色為主嘅設計，佢哋就專登幫我哋改咗設計，避免使用白色，將蠟燭換咗其他元素✨。 而且Deco House 都好有耐性，設計方面其實都改咗幾次。因為我哋都比較忙，婚禮前四五日先俾咗最後嘅一啲修改要求，但佢哋都好快做好😆！