我試完妝覺得幾好就揀咗CSY Makeup，我中意嘅風格比較簡單同自然，而且佢哋收費又透明。🥰試妝嗰陣，化妝師都會同我傾計，了解我心目中比較注重或者想加強嘅面部位置。我同化妝師都幾啱傾，有好同唔好嘅嘢，佢都會提出俾我自己選擇，又俾咗好多意見我，佢都好用心咁記低我嘅要求，出到嚟嘅效果我都好滿意。🤩

我落訂嗰陣其實同 BigDay 都相隔一段時間，大概都有成幾個月，但中間化妝師搵咗好多reference俾我參考，一直同我keep住有交流，希望可以搵到我鐘意嘅妝容，感覺到佢好重視我，做嘢一啲都唔馬虎。👍🏻 Big day當日，我最滿意就係嗰底妝，真係好貼，好細緻，又唔會浮粉，因為底妝化得好，後續補妝或者換妝都容易啲。化妝師嘅技術都好好，化起妝嚟好快手又好細心。至於髮型方面我都好鐘意，事前我就想紥鬢辮，化妝師就搵咗幾張圖話呢幾款辮佢都可以紥到，可以俾我揀自己鐘意嘅款，呢個位我都好驚喜，除咗化妝之外，set髮型都咁有經驗。髮型靚得嚟唔會好誇張🌟，頭髮唔會紥得好鬆散。

好開心可以搵到CSY Makeup，化妝師幫我化嘅妝容真係超自然，做到我想要嘅效果，屋企人都話化得好好，頭又set得好靚，個個都係咁讚🤣同佢相處得好愉快同舒服。佢真係好好，婚禮之前會一直提醒我要保養吓皮膚，尤其係我對眼要定時擦eyecream，又會建議我敷吓mask，咁到時會比較易上妝。因為我好忙，好多時候好晏先覆到佢，但無論幾夜都好，佢都秒覆我👍🏻 整個過程都好愉快，佢化嘅妝都係好符合我嘅氣質！