我最初係喺網上睇到 Yeungmakeup 妝容嘅相，當時其實都睇咗幾個 MUA ，但係好多一係冇期，一係價錢太貴，而且個妝又唔係好啱我鍾意嘅類型。咁啱就見到Yeungmakeup，佢哋有期之餘，又幾有熱誠，價錢都好親民，化嘅妝都唔錯，就揀咗佢哋🌟。

過程中有咩問題Yeungmakeup都解答到。到試妝當日，佢嘅試妝環境都好舒服，裝備齊全，仲有花球同裙，呢啲嘢喺其他化妝師嗰到都比較少見。我淨係話想化一個襯我嘅妝，之後就交俾佢負責。我有啲咩要求Yeungmakeup都會即時處理到，同埋佢都好體貼。試妝嘅效果我都好滿意，都好有信心交俾佢💘。

當日天氣好熱，化妝師仲主動攞把扇幫手散熱，都好照顧我。我覺得Yeungmakeup嘅應變能力好好，又好熱情，同大家都好好傾，又即時回應到我嘅要求，同埋都跟得好貼✨。佢都係一個好細心嘅人，唔會催我交尾數，叫我可以返到屋企先再慢慢處理，感覺佢都好信任我🥹。有一個驚喜嘅地方係佢買咗一啲姊妹裙嘅飾物俾我啲姊妹，呢啲裝飾唔係佢本身已經有，而係特別買俾我啲姊妹，Yeungmakeup真係好有心同重視我哋❤️。希望Yeungmakeup之後可以搬去更加方便嘅地方就會更加好，咁就唔洗搭完lift再行樓梯上去咁辛苦，除咗呢樣嘢之外都好完美😆。 

上網搵化妝師嗰陣認識到Yeungmakeup，見到佢啲作品都好啱我心水，價錢又好公道，就直接約咗時間上去試妝。我媽媽本身就同我一起去試妝，化妝師都好熱情又好識得同長輩溝通，我媽媽問咗好多問題，佢都可以答到，仲好有耐心，全程keep住笑容serve我哋。🤣

成個試妝過程我都非常舒服，化妝師唔會一直同我傾計，反而會喺啲適當時候俾我休息吓。試出嚟嘅妝容我都好鍾意，好自然，亦都感受到佢化妝非常細心，每個部分都好謹慎。我覺得Yeungmakeup提供嘅配套都算好齊全，仲可以借埋一啲首飾俾我，例如耳環，頸鏈，去襯返唔同嘅衫，思慮好周全💕。佢事後亦都會問對於試妝嘅妝容有冇想改善，或者想highlight嘅地方都可以提出，我就想改一改我嘅髮型，化妝師都有俾啲意見我去考慮，又會好快覆返我message。我都知道佢好忙，不過佢都好重視啲新人，一有時間就會即刻俾response。💯

Bigday當日化妝師都有準時到場，好多朋友都話嗰妝好好睇，妝容好自然🤩。我媽媽就覺得化妝師呢次化嘅底妝好驚艷，仲靚過試妝嗰陣，可能因為佢換咗粉底，更加貼合我嘅皮膚。我自己係好鍾意成個妝容，好啱我氣質，唔會好濃，非常考驗功夫，成日落嚟都冇甩過妝。化妝師又會教埋我哋要點掀頭紗會比較靚，真係好好，睇得出佢好有經驗。我媽媽嘅化妝師同埋我嘅攝影師都係佢介紹俾我嘅，每一方面我都十分滿意，我覺得佢非常優秀 ❤️ 。