我見到Yeungmakeup嘅作品好靚，評語又好多，化妝師人又好有禮貌，就冇再搵其他化妝師，直接約咗佢試妝。化妝師好專業，我問嘅問題，佢都可以解答到我，仲好有耐心慢慢詳細解釋俾我聽。 試妝前化妝師都會先了解我嘅喜好，好多嘢都會同我確認一次，為人好爽快。😆試妝過程大約3個鐘，佢有好豐富嘅經驗，化妝嘅手法非常仔細，化每個part都好謹慎，做嘢真係一啲都唔馬虎，好認真。🤩 整體試妝嘅妝容我都好滿意，符合我嘅expectation，呢點都令我可以好放心可以將證婚儀式嘅妝容交曬俾佢。😍 證婚當日我哋一早就已經約定一個時間，化妝師都比預期時間提早到場準備好啲化妝用品，我非常感激佢，全程都冇話過一次攰。😝

嗰日我就有同化妝師講，眼妝部分我想再自然啲。因為我係單眼皮，化眼妝都有一定嘅難度，但係佢都化得好靚，幫我貼咗雙眼皮貼，顯得對眼好有神，又好似我本身就有雙眼皮咁🤣🤣 我皮膚本身係乾皮，化妝師都會幫我做好多妝前保濕，成日落嚟都冇浮粉！整體妝容我都好鐘意，好輕薄，佢真係好用心化❤️ 好多朋友都話睇唔出我化過妝嚟，好靚😍😍 化妝師個人真係好nice，好啱傾，化嘅妝容又好精緻，各方面嘅表現都非常出色！

同事用過Yeungmakeup覺得唔錯，就介紹咗俾我。我對化妝師嘅第一印象都幾好，佢好專業，試妝嗰陣，會同我share一啲化妝知識，例如我嘅輪廓係可以點樣去做修飾，或者乜妝容會襯我嘅膚色。我本身就對妝容冇乜idea，佢都主動幫我搭配一啲髮型同妝容，又喺妝容上想加強嘅位置俾咗我好多建議。化妝師做嘢都比較快手，人又好健談，邊傾計邊同你化妝，但係間中又會俾新娘子休息吓，為人好nice，又播一啲輕音樂可以令人放鬆啲。❤️

事前我都有提早同化妝師講定我想要乜髮型，咁化妝師都好貼心，叫我send啲Bigday會著嘅衫俾佢睇，頭飾，妝容方面佢會幫我去做配搭，一直同我keep住有交流。 由於我Bigday係半日，敬完茶就要趕過嚟，時間上有啲緊迫，咁我都好擔心化完妝後面全部delay曬，因為據我所知通常新娘妝都花比較長時間，不過化妝師做嘢都好有效率，喺預算時間之内化好曬，將時間拿捏得啱啱好。👍🏻

我都有join Yeungmakeup嘅親友妝package，四位長輩都係由助手化，基本上全部都ok，好自然，除咗負責我奶奶嗰位化妝師，化得重手咗啲，其他嘢都冇乜問題。🤣 我都好多謝Yeungmakeup仲特登安排咗多一位助手嚟幫手，所以我哋安排時間上都比較充裕。🥰 我都好開心可以搵到Yeungmakeup，化妝師幫我化嘅妝容超自然，同佢相處落好舒服，佢仲好樂意聆聽新人嘅意見，尊重新人嘅意願，我試完妝嗰陣，化妝師就影低啲相俾我返屋企，可以由唔同角度去睇返成個妝容嘅效果。我發現我嘅眼睫毛好誇張，太長同埋太濃，唔啱我，咁我就問Bigday介唔介意幫我調整吓呢個部分，我想要自然啲嘅風格，化妝師都即刻話可以😚。

整體妝容我都滿意，尤其眼妝我真係勁冧，我係高低單眼皮，平日化眼妝對我嚟講好困難，但係佢花咗好多心思幫我調整，雙眼皮嘅高低都有幫我稍微調動，令整體望落更加協調，對眼望落又大，又有神啲。🤭好多朋友都大讚我嘅化妝師，化得好靚，好自然！化妝師對妝容都好有要求，就算係好細微嘅位置都會反覆幫我再修正，改到大家都滿意為止，做嘢一啲都唔馬虎，而且佢仲好好人，我book咗半日化妝， 考慮到如果佢收返頭飾，我就冇頭飾襯衫，佢都主動借俾我話遲啲再還都ok，好貼心😭。最加分嘅地方係，我哋係去佢studio到試妝，嗰到都會提前準備好一啲裙褂，俾新人試完妝可以著住件褂影相，有件衫襯返個妝，影相都靚啲，呢part真係令我好驚喜，出邊未必會有化妝師咁細心 🥰 。