一開始喺網上見到Yeungmakeup嘅評語好多，普遍都話化得靚，價錢上又啱我budget，就冇再搵其他化妝師，直接聯絡咗佢哋。化妝師人好friendly，就算我有好多疑慮，佢都會逐一幫我詳細解答，又建議我可以上網做吓research，搵出自己鐘意嘅妝容風格。 試妝嘅成個過程我都好舒服，唔會有任何hard feeling，好多細微位置佢都好細心咁化，又好專業。髮型方面又俾咗我一啲提議，我記得當時我嘅頭髮好短，所以我想紥起嚟，化妝師就提議我放低先，等到Bigday嗰陣頭髮長咗再幫我紥，效果會靚啲。😜

去到 Bigday嗰日，化妝師幫我set嘅髮型真係好靚，有我想要嘅效果。我覺得好好，好尊重客人意願同諗法，但又會從中俾啲實用意見。❤️妝容方面我好滿意，眼妝部分最驚艷到我，佢有幫我用假睫毛同埋雙眼皮貼，喺處理呢啲細微位嘅地方佢都非常有技巧，成日落嚟眼妝都冇花，雙眼皮貼冇翹邊，又顯得對眼好大又有神。😍好多親友都話我嘅妝感好輕薄，好自然，真係好啱我。我自己都覺得佢非常用心，會針對我嘅面部輪廓去修飾，協調整體嘅妝容😚。化妝師做嘢都非常俐落，爽快。原本我哋嘅流程係先化妝，著婚紗，最後再set頭，咁著衫嗰陣就發現婚紗出現咗啲問題，佢反應都幾快，好短時間就幫我諗定解決方案，順利喺預算時間之内化好妝，set好頭，著好套婚紗。好彩佢應變能力够快，幫我解決咗呢問題，當時我即刻放低心頭大石，安心好多，好開心可以搵到Yeungmakeup，有個人可以support住真係好好，可以緩解新人嘅情緒，同佢嘅相處亦都好舒服💘！ 

我喺網上見到Yeungmakeup化嘅妝容好靚，化出嚟嘅Style好自然，主要都係睇中佢嘅價錢，就約咗Yeungmakeup試妝。試妝嗰陣，化妝師都幾好，好多嘢都會解釋清楚，而婚禮上嘅流程都俾咗我好多意見，見到化妝師咁有經驗，我都安心好多。👍🏻試妝前，化妝師都會同我溝通先，例如會了解我嘅喜好，偏向想要乜風格嘅妝容。我都感受到化妝師好重視妝前保濕呢個step，保濕除咗可以保持水分平衡，都可以令妝容更加持久，底妝更加貼合皮膚，後續上妝都可以保持最佳狀態。💯

Bigday當日，雖然化妝師同助手都遲咗少少，不過事前佢哋已經有同我確認過幾套會著嘅衫，提前準備好一啲頭飾，髮型嚟襯，仲搵埋一啲妝容參考圖俾我過目，所以佢哋一嚟到就即刻幫我開始化妝。我對當日嘅妝容同髮型都十分滿意🥳，尤其係髮型，比試妝嗰陣更加俾心機，我前後都轉咗6-7款髮型，風格又好多元化，佢肯定都做咗好多功課，唔單止考慮到髮型同服裝嘅搭配，仲好著重轉變髮型中間嘅時間。🤩 我亦都非常感謝化妝師有認真聽取新人嘅意見並做出調整，當日我媽媽就唔滿意助手幫佢整嘅髮型，化妝師知道之後都即刻作出補救，親自上手幫我媽媽重新set過，我媽媽最後都好鐘意化妝師set嘅髮型。❤️ 最令我感動嘅一part係，朝早化妝師趁仲有啲時間，主動幫我影咗好多靚相，就連角度都有特别注意過，之後直接就send返俾我睇，我就唔洗等攝影師執好相先可以睇到個效果。講真佢冇義務幫我哋影呢啲相，但係佢一啲都唔介意做多啲額外服務俾我哋，真係好貼心。❤️ 無論試妝或者Bigday嘅妝容我都好滿意，好鍾意，成個妝容勁貼，化妝又好快手，所有嘢都係時間控制內完成。😋