我係上網搵到Yeungmakeup，化妝師覆得好快，所以就約咗時間試妝。試妝嘅體驗好好，佢會主動了解新人嘅偏好，討論對妝感嘅期望，而且相處上非常舒服，化妝師為人人夠爽快，工作態度好認真🥰。 Bigday 當日，化妝師早過我到會場到get ready，佢會事先同mc或者其他職員夾定一啲換妝，換造型嘅時間，呢點都令我對佢嘅印象加曬分。😆 當日嘅妝容都保持住一樣嘅質素，底妝輕盈，透薄又好服帖，一啲都冇浮粉嘅情況出現，妝容都呈現出自然嘅效果，但細節方面又化得非常精緻。🌟 

至於化妝時間佢都分配得好好，喺唔同嘅妝容同造型之間迅速轉換當中，都feel到化妝師好有經驗，好抵讚。😝我先生都有提到佢好鐘意Yeungmakeup幫我化嘅妝，特别喺修飾輪廓好出色，髮型又好特別。我嘅髮型其實係化妝師根據我套禮服精心設計，佢仲提前紥好一啲髮型再幫我影相，之後又好快手幫我準備好其他髮型，我前後都紥咗幾款造型，佢又會準備好一啲小頭飾襯返嗰頭，所以睇得出佢連髮型嘅配搭都有好豐富嘅經驗。💕

我最欣賞係化妝師非常重視新人嘅妝前護理，佢會為新人提前準備好mask，再用導入儀導入精華，確保後續上妝嘅妝容更貼合同持久。無論係試妝或者 Big day 佢都有提供呢個額外服務，非常細心，充分體現咗佢對妝感有一定嘅要求。❤️ 化妝師亦都好注重妝容上嘅細節處理，例如化妝期間，佢就建議我可以痴一啲長嘅假睫毛，令我對眼望落會比較有神，但佢唔會強逼我，好尊重新人嘅意願。咁我痴完都覺得好靚，而且痴得好非常穩陣，又唔會篤到對眼，技巧好好。 化妝師仲能夠根據新人嘅面型靈活調整妝容， 從而突出新人嘅優點。 Yeungmakeup嘅影相技術非常好😙，佢本職係化妝師，但係幫我影相嗰陣，啲相好似專業攝影師影出嚟咁，仲帶埋燈光，相比之下，我本身嘅攝影師就冇咁快可以send到相俾我，不過喺化妝師呢到我已經睇到好多花絮同相。化妝師都好體貼，好留意我嘅一舉一動，必要時候都會主動幫助我，例如我上台影大合照嗰陣都會幫我整理裙尾。化妝師嘅專業度令我印象深刻，成個婚禮都展現出極高嘅工作水平！

本身我就去過其他化妝師到試妝，不過唔係好滿意，所以就繼續搵，無意間就見到Yeungmakeup嘅作品好靚，網上嘅評價都唔錯，就想試吓。化妝師好有熱誠，同佢都好啱傾，佢對婚禮大大細細嘅事務都好有經驗，喺好多方面都可以俾到好多意見，覆得好快之餘，又回答得好詳細。化妝師都會同我溝通同了解我對妝容嘅要求，呢方面其實我都冇乜頭緒，所以就搵咗幾張相俾佢作為參考，佢好好，有採納我嘅要求，仲會根據我嘅臉型做少少修飾，加強返我面部嘅優點。相處上我都覺得好舒服，化妝師笑容好好，態度好專業，好願意聆聽新人嘅諗法🥳。

 Bigday當日，由於我擺午宴，我總共準備咗4-5套衫，所以換衫同換造型嘅時間會比較緊迫，但係化妝師都依然保持一個好專業嘅狀態，好快手幫我化好妝，每套衫都會襯返唔同嘅頭飾，連妝容都有唔同風格，真係好用心化，一啲都冇hea我🥹！喺緊湊嘅時間之内，仲可以保持到咁高嘅水準，呈現出唔同嘅妝感，勁！💯好多姊妹親友都話我好靚，好似公主。😍 佢化嘅底妝嘅技巧真係好高超，喺冬天都仲可以keep咁耐又好服帖，眼妝部分都係好持久，整體好自然，唔會覺得好誇張。💘 每個妝容都好精緻，化妝師人又好nice，照顧我之餘仲takecare埋我屋企人，及時俾到我哋好多幫助。無論係服務態度，專業水平或者效率方面都表現得非常出色！