我哋其實係上網搵資料嘅時候認識到Reunion Wedding，當時我哋已經約咗幾個唔同嘅場地去睇，而呢到係我哋最後一間睇嘅。不過一嚟到現場，其實個感覺已經好明顯，場地嘅氣氛同整體嘅感覺都好啱我哋，嗰一刻我同先生都覺得：「應該就係呢度喇。」 因為之前已經睇過其他選擇，有得比較之下，反而更加肯定自己嘅想法。我哋之後都有坐低再傾過，最後都好快決定揀返呢到，冇再繼續搵其他團隊🌟。

同同事接觸嘅時候，Reunion Wedding俾我嘅印象其實幾好。之前睇過一啲地方，佢哋會比較 hard sell，令我有少少壓力。但嚟到呢到，同事同我哋傾偈嘅方式好 friendly，完全唔會逼我哋即刻做任何決定🥰，反而係慢慢聽我哋講自己嘅需要。我自己覺得最加分嘅地方係同事好有耐性💕。因為結婚始終係一世人一次，好多流程同細節其實我哋都唔熟，當時問咗佢哋好多問題，甚至喺未 confirm 要 book 佢哋之前，佢哋都好詳細咁解答，仲會俾實際嘅建議我哋。所以一開始接觸呢個團隊，其實已經覺得佢哋整體服務幾好。佢哋仲推薦咗好多vendor俾我哋，令到我哋少咗好多煩惱！

我自己揀咗一條龍服務，老實講真係方便咗好多。因為我本身對婚禮流程唔熟，又擔心要自己逐個 vendor 搵會好混亂😚。一條龍嘅好處就係，佢哋已經安排好曬攝影、化妝同律師，變相俾咗我好大信心，覺得佢哋介紹嘅vendor都幾可靠，亦唔需要我再操心咁多。Reunion Wedding成個團隊都好肯幫手，好似當日有朋友負責攞飲品、播歌嗰啲，佢哋都會主動同兄弟姊妹溝通，唔會將所有嘢留返俾我哋自己處理👍。當日嘅流程同時間管理都做得幾好，同事會適時提醒兄弟姊妹下一步要做啲咩，令成個婚禮順利好多。 由最初 planning 開始，其實我問咗佢哋好多問題，但佢哋一直都好有耐性解答。就算我哋有啲嘢唔清楚或者要臨時調整，佢哋都會即刻幫手諗方法，仲會俾意見我哋，例如係啲相應該擺喺邊個位置會比較好，真係令我哋輕鬆唔少🤩。

我哋都有睇過其他場地作比較，不過最後揀返Reunion，主要係因為佢哋價錢合理，加上有埋一條龍服務，對我哋嚟講方便好多，可以諗少啲嘢、煩少啲嘢。 同場地同事溝通嘅時候，整體感覺都幾舒服😚。Reunion團隊態度幾 nice，因為我問嘢都問得比較多，但佢哋都會一一解答，同埋完全冇 hard sell 嘅感覺，呢點令我都幾放心。場地方面，我覺得新淨又整齊，無論室內定戶外都保養得幾好，感覺乾淨企理，影相出嚟嘅效果都唔錯，呢點我都幾滿意😄。到 big day 當日，場地同事都幫得手，都好有經驗同主動，有需要嘅時候都可以即刻搵到人，同事會喺現場一直stand by。無論係流程安排，定係技術方面，例如係播片、聲響嗰啲，都有人即時處理，成件事基本上冇乜令我哋擔心嘅地方。 我哋租衫同證婚律師就用咗Reunion安排嘅服務。呢幾方面嘅體驗都滿意，起碼可以一次過處理幾樣事情，減少咗好多安排婚禮嘅壓力。 整體嚟講，我覺得呢個Reunion團隊值得我哋信任，幫我哋慳返唔少時間同精神☺️！