我最初都有比較過三，四個場地，都有親身去睇過。不過最後，我哋覺得 Reunion Wedding&Party Venue 嘅場地最符合我哋心目中嘅感覺。佢哋個環境真係好啱我哋，有室內又有室外，感覺都幾靚😚。再加上佢哋同事嘅態度令人好有印象，就算我哋未confirm要唔要佢哋個場，但我哋問咩同事都會答，完全唔會因為我哋仲考慮緊其他場地而唔耐煩🥹。相比起有啲酒店會想我哋即刻落訂，佢哋俾我哋嘅感覺真係舒服好多，感覺係想幫我哋做好婚禮，而唔係一味sell嘢。第一次同團隊接觸，印象就係熱情同主動。有時我問嘅唔係有關場地嘅問題，而係一啲婚禮習俗，佢哋識答嘅都會盡量答。呢點我好欣賞，因為感覺到佢哋係真心想幫新人🌟。

我哋去到現場睇嘅時候，感覺場地保養得幾好，乾淨之餘外觀都算新淨。戶外嘅arch佢哋仲會定期換，都好有新鮮感。我結婚嗰日去到，聽講個arch係啱啱換咗一個月，望落真係好靚。室內嘅環境感覺好 warm，好有氣氛。講真我哋原本冇諗過佢哋會跟得咁貼，因為我本身有兩個姊妹，但佢哋可能唔係太熟流程，場地同事就利用佢哋嘅經驗去幫我哋手，基本上就好似多咗第三個姊妹咁👍。 當日播片有啲 technical 嘅問題，播片冇聲，同事都好努力咁幫我哋搵辦法解決。差唔多要交場嘅時候，佢哋亦冇趕我哋，冇話倒數幾多分鐘，係一路順住我哋收拾，又提醒我哋唔好漏嘢。呢份從容嘅態度令我哋輕鬆好多。

我覺得成個過程最值得讚嘅係佢哋職員嘅熱情同主動。就算我未開口，佢哋已經留意到我哋需要幫手，而且完全唔會逼我哋做決定。雖然場地有啲細，不過整體親友都覺得方便，因為都有shuttle接送😙。同埋因為我哋喺中午證婚，時間得十幾分鐘，仲差啲因為大雨要搬返入室內，同事事前已經有back up plan，隨時準備搬場，呢啲細節真係令我覺得好貼心，好多嘢都唔需要我哋操心，減輕好多壓力🥰。 

我喺網上做research嗰陣見到Reunion Wedding啲場地相好靚🥰，再加上我同其他場地對比完之後，我更加鐘意Reunion Wedding嘅場地，因為佢除咗靚之外，空間仲好大，又有outdoor嘅地方。佢哋同事嘅態度都非常nice，基本上好多嘢例如setting，decoration，Reunion Wedding都已經一個package包齊曬，所以我哋本身需要準備嘅嘢好少，真係好輕鬆，煩少好多樣嘢。😙

講到籌備婚禮呢方面，Reunion Wedding啲同事都非常有經驗，好多新人常見嘅問題，佢哋都好快可以解答到我哋。場地方面都可以話係perfect，同相冇太大落差，同事都將啲setting搞得好靚，而且同事都做好曬兩手準備，會同我哋講定如果落雨，佢哋會點調整啲位，所有細節都已經提前通知我哋，感覺到同事非常專業！💯

Bigday當日，同事Cynthia負責同我哋溝通，佢真係好幫得手，會提前同其他同事夾好啲細節，又幫我哋準備好啲敬茶用具，仲幫手我哋安排好曬rundown，每個流程都跟得好足，令我嘅婚禮非常之順利。🥰 當日時間上冇任何delay，天氣好好，同事服務又勁周到，而且好多賓客都話同事好friendly，outdoor嘅外景好靚，影相好靚，啲位又大又舒服。❤️ 我同先生都非常滿意Reunion嘅服務同package！