第一次同Glamour Planning接觸嘅時候，第一印象係佢哋好熱情。佢哋好專業，會幫我考慮埋一啲我冇諗到嘅細節，例如有啲嘢我可能諗住「算啦」，但佢哋會喺慳錢嘅角度提供多啲選擇俾我🥳。因為我娘家喺元朗，而我住喺港島，來回真係好花時間同錢。Glamour Planning好細心，幫我諗咗幾個解決方案，令成個流程更加順利🥰。當時同我聯絡得最多嘅係Michelle，佢真係好專業同細心。無論我問咩問題，佢都好快咁回覆到，因為我係處女座，成日都覺得好難做選擇，但Michelle可以好快咁俾幾個實用嘅方案我，幫我更加快做到決定😚。佢嘅效率同細心，真係令我覺得好放心😗。

喺婚禮當日同埋準備嘅過程當中，Glamour Planning表現得非常出色，協調能力好強☺️。佢哋唔單止同業界有好好嘅connection，仲可以即時搵到最適合我哋需求嘅商戶，我哋用嘅deco公司，攝影師，雪糕車等等嘅vendor都係佢哋推薦！我老公突然話想喺婚禮當日播一段短片，Michelle即刻幫我哋聯絡拍攝團隊進行拍攝，安排曬所有細節，令我哋完全唔洗擔心😆。有一次我臨時要去一個晚會，需要化妝同埋整頭髮，我問咗Michelle有冇推薦嘅vendor，佢好熱心咁推薦咗啲vendor俾我，即使嗰陣我嘅Big Day已經完咗，佢依然好似朋友咁關心我嘅需要，真係令我覺得好warm🩵。更加令我驚喜嘅係，佢仲特登準備咗啲小禮物俾我——寫名嘅石同一個同我婚紗風格好襯嘅頭飾，仲送咗一件好精緻嘅禮物俾我個女，真係非常貼心❣️。希望Michelle未來會有多啲助手，咁就唔會咁辛苦🥹。好多朋友都話未必需要搵Wedding planner，但係我覺得呢一筆錢真係洗得值， 因為Glamour Planning真係幫咗我好多😄！

當時我哋係喺場地嗰邊推薦嘅名單上面認識到Glamour Planning。揀佢哋嘅原因主要係因為檔期啱啱好，價錢經過比較後亦覺得合理，加上佢哋喺deco方面有唔少相關合作，所以選擇上會比較多。負責我哋婚禮策劃嘅Michelle好專業同細心，同埋佢係一個好有計劃嘅人，所有嘢都好清晰😆。特別係佢對場地嘅熟悉程度，幫我哋避過咗好多細節上可能會犯嘅錯誤☺️。

Big Day當日雖然有啲突發情況，但Michelle都處理得好妥當😍。Big Day當日風特別大，場地外面嘅裝飾吹冧咗，我哋一開始有啲驚，但Michelle即刻聯絡deco公司，同事好快就搞掂咗件事。另外，有一件事令我印象深刻嘅係，我哋唔記得咗拎紅棗同蓮子呢啲用喺儀式上面嘅重要物品，但Michelle居然有備用嘅俾我哋，佢嘅細心令呢個小插曲唔會影響到成個流程😜。此外，雖然我哋揀嘅package淨係包Michelle同一個同事，但Michelle額外安排咗一名助手免費協助我哋，因為佢覺得我哋需要多一個助手，我哋真係好感激佢🤩。不過因為喺婚禮旺季，Michelle好忙，有時未必可以即時回覆信息。如果能喺回覆時間方面同我哋講聲半日或一天內回覆，就會令新人安心啲，減少唔必要嘅擔憂🤓。