First Love Wedding 是全港最高性價比的新娘化妝團隊，以親民價格提供專業級服務。我們深信每位新娘都值得擁有最完美的妝容，因此團隊始終秉持「以客為本」的理念，致力於為妳打造獨一無二的氣質妝容，讓妳在人生最重要的日子裡自信綻放。無論是清新自然的日系妝感、優雅高貴的歐美風格，我們都能根據妳的個人特質量身定制，讓妳成為全場焦點。
入行多年，我們已服務超過1000位客人，累積豐富的婚禮化妝經驗，並持續精進技術，只為提供更優質的服務。團隊曾參與明星化妝、MV拍攝、廣告造型等多元項目，專業實力備受肯定。此外，我們持有ITEC、CITAB、TQUK、JMA等多項國際認證，更榮獲《花嫁Annual Book》評選為「年度最完美妝容」，品質絕對有保證。
我們提供全方位的新娘化妝服務，包括新娘妝、姊妹妝、奶奶妝及新郎造型。無論是婚禮當日、Pre-wedding拍攝，還是婚宴晚妝，First Love Wedding 都能為妳呈現最動人的妝容。
我一開始其實都有睇過其他化妝師同團隊，不過去到First Love Wedding到試妝之後，發現出嚟嘅效果同我心目中想要嘅感覺好接近，所以最後就決定揀佢哋。 試妝同溝通嘅過程入面，我對佢哋嘅化妝師印象都幾好。佢哋態度友善，而且好專業，一開始已經好詳細咁同我講解成個結婚流程，同時亦都有問我平時鍾意嘅妝容風格，再因應我嘅輪廓同氣質，去建議一啲適合我嘅妝容方向，唔係一味套用同一個公式😆。妝容方面，我覺得First Love Wedding喺髮型同眼妝處理得特別好。我本身鍾意偏韓妝嘅感覺，而佢哋亦都好熟悉呢一類型。平時我自己其實唔太慣黐假眼睫毛或者用雙眼皮貼，但佢哋手勢好細緻，完成之後完全唔會覺得唔舒服，就算化成日都冇乜負擔😚。另外一樣我幾欣賞嘅，就係佢哋嘅參考同還原能力。我之前喺 social media 搵咗啲妝髮示範相俾佢哋參考，最後出嚟嘅效果同參考圖好接近，還原度好高，唔會有「睇就一回事， 做出嚟又另一回事」嘅情況。喺成個化妝過程入面，我都覺得團隊好有耐性，亦都好願意聽我嘅意見。如果有啲地方我想調整，佢哋都會即刻幫我睇下點樣改會比較適合，而唔一定要跟返自己嗰套做法🥹。
Big Day 嗰日，其實時間都幾緊迫，但First Love Wedding對時間掌握得好好。每次轉妝或者轉髮型，都安排得好清楚，亦都會不斷幫我補妝、留意遮瑕有冇甩、頭髮有冇亂，細節位照顧得好周到🥰。就算中間臨時有變動，都可以喺有限時間之內完成，令我成個過程都安心咗好多。 婚禮當日真係好趕，作為新娘基本上冇乜時間可以坐低休息，加上我自己要轉幾套裙，所 以對化妝師嘅時間配合要求都幾高。好彩First Love Wedding好清楚我哋嘅情況，亦都好盡力配合成個流程，同我一齊追住時間跑，先可以順利完成多幾個造型。 我覺得化妝師喺專業程度同準備方面都做得幾好🤩。化妝工具同用品都好乾淨，而且色號準備得好齊全，就算我本身唔算係特別難處理嘅膚色，都睇得出佢哋係有為唔同類型嘅新娘做好準備，呢一點令我幾有信心。 除咗技術層面，我自己亦都幾欣賞佢哋嘅溝通方式。成個過程入面，佢哋唔會俾人好大壓力，反而好似朋友咁，會企喺我嘅角度去諗嘢。當日時間好緊張，我自己都有啲緊張，但佢哋一路都會安慰我，同我講「唔洗擔心，我哋趕得切」，呢啲說話其實好重要，令我安心咗好多。 因為婚禮當日陪住新娘時間最長嘅，真係化妝師，有一個溫柔、細心、又可以俾到正能量嘅團隊喺身邊，成個人嘅狀態都會好啲，心情冇咁繃緊，個過程自然都開心啲👍。如果團隊喺幫姊妹化妝之前，可以問一問佢哋簡單嘅preference會更加好～因為有啲姊妹平時唔太化妝，如果妝感突然重咗，可能自己會有啲唔習慣，不過問題唔大。總括嚟講，我都覺得First Love Wedding嘅化妝團隊做得幾好！
感謝您嘅詳細分享與支持！好榮幸First Love Wedding可以捕捉到您想要嘅完美妝容，陪您度過甜蜜Big Day💖 我哋會繼續專業貼心服務，祝永遠幸福美滿！
我之前都有試過幾個化妝師，但最後會揀First Love Wedding，係因為我覺得係呢到終於搵到合適嘅化妝師，化嘅妝好接近我心目中嘅效果，令我可以放心交俾佢😍！試妝嗰陣，有樣嘢我覺得幾特別，就係化完妝之後，佢會即刻幫我喺 studio 影一輯相，咁我就可以即時睇到妝容喺相上面嘅效果，呢樣對我嚟講幾有幫助，因為婚禮當日不停要影相，啲相靚唔靚好重要😚。同埋化妝師好有耐性，因為我皮膚比較乾，佢喺化妝之前特登幫我做咗少少保濕，令到個妝更加貼服。佢亦都會根據我嘅膚色去調整妝容，所以成個妝都比較自然，睇落去都幾young。我之前試過其他化妝師，有啲妝會令我望落老咗，但First Love Wedding嘅化妝師就掌握到我想要嘅感覺😗。
Big Day 當日，成個妝出嚟嘅效果都好自然，啲朋友見到都讚好靚💖。其實我同化妝師溝通嘅過程都好輕鬆，我本身冇太多要求，都好放心交俾佢自由發揮。髮型方面，我本來只係想要簡單嘅公主頭，咁就襯返婚紗同晚裝，但化妝師就建議唔好成晚都放低頭髮，所以就幫我做咗少少變化，換咗另一個髮型，出嚟嘅效果都幾好，朋友都覺得幾有新鮮感。喺準備過程當中，我都有 send 婚紗同晚裝嘅相俾佢做參考。First Love Wedding都有問我有冇特別想要嘅妝容或者髮型，因為化妝師都好有經驗，所以我都好放心交俾佢決定🥳，最後出嚟嘅結果我好滿意。其實我皮膚唔算太好，有時仲會有啲瑕疵，但當日個妝幾貼服，冇出現甩妝或者浮粉嘅情況☺️！
另外，我特別欣賞化妝師好細心💕。因為我當日冇姊妹團，得朋友幫手換衫，但有啲婚紗同禮服著落去比較麻煩。化妝師主動提出幫我手，呢個位對我嚟講幾窩心🥹。同埋當日rundown都幾緊湊，我都有同化妝師講希望可以掌握好時間，所以佢會自己留意時間，盡量幫我哋跟返 run down，最後都冇 delay。就算當日時間緊迫，佢都唔會因為趕時間而求其化，反而係喺有限時間內盡量做到最好，最後出嚟個效果我好滿意👍，同埋都感覺到佢係團隊入面比較有經驗，會主動幫其他同事手，所以希望其他同事都越做越好！同埋佢嘅化妝用品同工具都好乾淨，呢樣我特別欣賞😙。因為我見過有啲化妝師嘅化妝袋都幾污糟，都會令人擔心衛生問題。但First Love Wedding嘅化妝師好專業，令我有信心將成個樣交俾佢😝。最難得嘅係，即使時間緊迫，佢都唔會令我覺得好趕或者有壓力，心情完全冇受影響。對新娘嚟講，有個咁好嘅化妝師，真係幫我減輕咗唔少壓力🤩！