一開始吸引我嘅其實係First Love Wedding嘅價錢，因為都喺我budget之內，所以先有興趣了解多啲。不過老實講，最初都有少少擔心，驚價錢相對平，會唔會影響質素。但試妝之後就放心咗，覺得效果幾好，甚至有啲驚喜❤️。 試妝之前，化妝師都有同我溝通下，會問我平時鍾意咩風格，或者有冇參考嘅相可以俾佢睇。我覺得呢一點幾重要，因為可以令成個妝容更加貼近我自己想要嘅感覺。整體服務上，我覺得佢哋幾體貼。有一次試妝我自己唔記得帶con，但佢哋都有準備，可以即時幫到手，唔洗我臨時再諗點算。另外正式化妝之前，佢哋都會問清楚我有冇敏感或者其他需要注意嘅地方，呢啲細節位都處理得幾好。妝容方面，我自己最滿意係眼妝，感覺有放大到眼睛，但又唔會太誇張。另外髮型方面，我本身想要自然啲嘅微捲 wave，最後做出嚟嘅效果都幾貼近我預期，所以整體造型我都幾滿意。到 big day 當日，化妝師都好留意我嘅狀態，例如髮型有少少亂，或者食完嘢唇膏甩咗，都會主動幫我整理同補妝，唔需要我自己開口🤓。呢點令我幾安心，因為我唔洗一路自己擔心個妝有冇問題，可以專心應付當日。效率方面我都覺得幾好，轉妝同整體流程都算順暢，唔會拖時間。我覺得First Love Wedding嘅性價比幾高，服務同效果都對得住個價錢❣️。溝通上同化妝師都幾順暢，我自己有想法，佢又做到出嚟，所以整個過程都幾舒服！

我一開始其實都有睇過其他化妝師同團隊，不過去到First Love Wedding到試妝之後，發現出嚟嘅效果同我心目中想要嘅感覺好接近，所以最後就決定揀佢哋。 試妝同溝通嘅過程入面，我對佢哋嘅化妝師印象都幾好。佢哋態度友善，而且好專業，一開始已經好詳細咁同我講解成個結婚流程，同時亦都有問我平時鍾意嘅妝容風格，再因應我嘅輪廓同氣質，去建議一啲適合我嘅妝容方向，唔係一味套用同一個公式😆。妝容方面，我覺得First Love Wedding喺髮型同眼妝處理得特別好。我本身鍾意偏韓妝嘅感覺，而佢哋亦都好熟悉呢一類型。平時我自己其實唔太慣黐假眼睫毛或者用雙眼皮貼，但佢哋手勢好細緻，完成之後完全唔會覺得唔舒服，就算化成日都冇乜負擔😚。另外一樣我幾欣賞嘅，就係佢哋嘅參考同還原能力。我之前喺 social media 搵咗啲妝髮示範相俾佢哋參考，最後出嚟嘅效果同參考圖好接近，還原度好高，唔會有「睇就一回事， 做出嚟又另一回事」嘅情況。喺成個化妝過程入面，我都覺得團隊好有耐性，亦都好願意聽我嘅意見。如果有啲地方我想調整，佢哋都會即刻幫我睇下點樣改會比較適合，而唔一定要跟返自己嗰套做法🥹。

Big Day 嗰日，其實時間都幾緊迫，但First Love Wedding對時間掌握得好好。每次轉妝或者轉髮型，都安排得好清楚，亦都會不斷幫我補妝、留意遮瑕有冇甩、頭髮有冇亂，細節位照顧得好周到🥰。就算中間臨時有變動，都可以喺有限時間之內完成，令我成個過程都安心咗好多。 婚禮當日真係好趕，作為新娘基本上冇乜時間可以坐低休息，加上我自己要轉幾套裙，所 以對化妝師嘅時間配合要求都幾高。好彩First Love Wedding好清楚我哋嘅情況，亦都好盡力配合成個流程，同我一齊追住時間跑，先可以順利完成多幾個造型。 我覺得化妝師喺專業程度同準備方面都做得幾好🤩。化妝工具同用品都好乾淨，而且色號準備得好齊全，就算我本身唔算係特別難處理嘅膚色，都睇得出佢哋係有為唔同類型嘅新娘做好準備，呢一點令我幾有信心。 除咗技術層面，我自己亦都幾欣賞佢哋嘅溝通方式。成個過程入面，佢哋唔會俾人好大壓力，反而好似朋友咁，會企喺我嘅角度去諗嘢。當日時間好緊張，我自己都有啲緊張，但佢哋一路都會安慰我，同我講「唔洗擔心，我哋趕得切」，呢啲說話其實好重要，令我安心咗好多。 因為婚禮當日陪住新娘時間最長嘅，真係化妝師，有一個溫柔、細心、又可以俾到正能量嘅團隊喺身邊，成個人嘅狀態都會好啲，心情冇咁繃緊，個過程自然都開心啲👍。如果團隊喺幫姊妹化妝之前，可以問一問佢哋簡單嘅preference會更加好～因為有啲姊妹平時唔太化妝，如果妝感突然重咗，可能自己會有啲唔習慣，不過問題唔大。總括嚟講，我都覺得First Love Wedding嘅化妝團隊做得幾好！