同Blue Blend Gallery溝通嘅時候，我覺得同事好有禮貌，而且可能因為團隊入面有啲年輕啲嘅同事，所以好容易傾得埋，氣氛都唔會好拘謹咁，反而幾似同朋友相處🌟。基本上我只係簡單咁講下自己想要啲乜嘢，同事就已經好快捉到個方向，完全唔需要用好多時間去解釋。有一個細節位我印象都幾深刻，就係拍攝嗰陣，如果我啲頭髮或者裙尾有少少位可以再執，攝影師都會好堅持咁一定要調整到最好先至幫我影相。呢份執著令我覺得幾放心，睇得出Blue Blend Gallery好尊重自己嘅專業，真係想將最完美嘅狀態呈現到出嚟俾我哋睇😚。一開始拍攝嘅時候，其實我都有啲尷尬，覺得要擺pose唔自然。不過攝影師好識引導，會慢慢幫我哋搵返最自然、最真實嘅一面🥳。到後期，佢不停咁鼓勵我哋，令我哋都開始放鬆啲，影出嚟嘅相就唔再係一啲生硬嘅 pose，而係自然，舒服嘅感覺🥰。喺溝通嘅過程入面，Blue Blend Gallery都會先問下我哋有冇特別嘅要求，或者想要啲咩風格，例如近鏡、捉拍等等，佢哋都會認真聽同回應💖。到拍攝當日，可以感受到佢哋唔係「為影而影」，而係真心參與其中，好似賓客或者屋企人角度咁去捕捉當時嘅情景❣️。好多相片都唔係特登擺 pose，而係自然流露嘅表情同互動，睇返相嘅時候，真係會即刻代入返當日嗰種氣氛！😆同埋佢哋仲送返個usb gift box俾我哋，我覺得好有心意！

我哋當時都有睇過其他公司，但最後揀咗Blue Blend Gallery，係因為佢哋個base喺日本，如果我哋去日本影相嗰陣要改期，安排上都會比較彈性同方便😚。 同佢哋聯絡嘅時候，第一印象都幾好，溝通上都好清晰，價錢方面亦好透明，唔會有隱藏收費嘅情況，所以由頭到尾都好放心，唔洗擔心有啲咩唔明嘅細節，或者後尾要再額外俾錢😗。我哋喺影相呢方面講真都冇乜經驗，但團隊真係幾細心，喺行程同拍攝安排方面都有好清楚嘅指引。Blue Blend Gallery會幫我哋調整路線，節省時間，整體安排都好順利🥳。我自己本身都有睇過佢哋啲作品先再聯絡，所以風格方面都好match。Blue Blend Gallery對當地嘅地點同路線都好熟，仲會帶我哋去啲比較少人嘅景點，影出嚟就冇咁多遊客喺背景😋。我哋都有提出想去嘅地方，團隊會再根據我哋嘅意見去微調行程，令我哋都有參與感，唔係單方面被安排，呢點我幾欣賞🤩。

至於攝影方面，攝影師好專業，會俾唔同指示我哋，例如點擺pose、表情點樣自然啲等等。因為有清𥇦嘅指導，我哋唔洗估估吓，成個過程好輕鬆，氣氛自然，影得好開心💖。 其中一個我幾想推介嘅影相地點係富士山附近嘅河口湖一帶，仲有一個牧場我以前去過，今次再去影相都覺得好靚。另外仲有條風景好靚嘅公路，人少又清幽，影出嚟啲相好有feel。我哋睇完啲相都覺得幾滿意，風格同我哋一開始想要嘅感覺好一致。整體感覺都好舒服。🥳