我哋最後會揀咗Blue Blend Gallery ，主要係覺得佢哋啲相影得好靚😋。同埋我哋都睇過Blue Blend Gallery之前嘅作品，覺得佢哋個 feel 好啱我哋。Blue Blend Gallery嘅同事好 nice🤩，我哋有咩要求都好願意配合，亦都會主動俾啲建議我哋，成個氣氛好舒服。最重要係成個過程都冇hard sell我哋，價錢都好透明，呢樣我哋好欣賞🌟。我哋揀咗Blue Blend Gallery嘅pre-wedding package，拍攝之前，團隊都會問清楚我哋有咩想法，有冇特別嘅pose、有冇咩效果想做到，又或者有冇道具需要準備，佢哋都會提前問定。Blue Blend Gallery仲介紹咗一啲同佢哋合作開嘅公司俾我哋參考，真係幾幫到手！咁啱好我哋拍攝嗰日撞正有煙花祭，我哋問團隊可唔可以安排到去影，佢哋都好爽快咁話冇問題🥹！

至於正式影相當日，Blue Blend Gallery成個團隊真係任勞任怨，嗰日天氣又熱，影到夜晚其實都有啲 overrun，但佢哋完全冇怨言，亦唔會趕住收工咁，成個過程都好愉快🌟，大家都好俾心機去做，呢點真係幾值得讚賞。揀景點方面，本身我哋都有啲自己啲想法，團隊亦都有俾啲建議，仲準備埋一啲實地影過 啲相俾我哋睇，令我哋會更加安心，唔洗擔心啲景只係睇相靚，實際去到會唔同 feel👍！所以Blue Blend Gallery準備功夫做得好足，令到我哋整體拍攝體驗都好好，我哋真係幾滿意成個安排。同埋我哋自己本身都唔係好識擺 pose，所以攝影師會教我哋點擺 pose、點樣攞角度，成程都有好多提點，變相我哋就唔洗太擔心，唔會覺得尷尬，成個拍攝過程好開心，好順利🥰！

啲相出嚟嘅效果都符合我哋嘅預期，唔會有好大落差，整體嚟講都幾滿意😍！另外，我哋覺得Blue Blend Gallery喺安排上都幾有彈性，例如我哋喺拍攝前兩三個禮拜先知有煙花祭，就問佢哋可唔可以加多一個景，佢哋都話冇問題，仲安排得好快，因為我哋聽朋友講有啲大公司係set好咗就唔可以改，但Blue Blend Gallery呢到就會彈性啲，會聽我哋嘅意見，盡量幫我哋安排，呢方面我覺得幾好，令我哋可以影到啲珍貴、有紀念價值嘅相💕！

我自己本身都鍾意影相， 所以對相片嘅色tone、filter都有一定嘅要求，Blue Blend Gallery啲色調同我平時鍾意嘅風格幾接近，另外我見網上對佢哋嘅評價，大多數都係正面，所以我都幾放心😋。我同團隊嘅溝通都幾順利，整體感覺都好專業，我哋有咩問題問佢哋都解答到。喺影相之前，攝影師都有問我哋想要咩風格，大家都溝通過一次，方向都幾一致🌟。拍攝嗰陣，團隊會提出啲我哋冇諗過嘅建議，效果反而比原本預期更好，有啲驚喜，特別係啲角度同 pose，真係睇得出專業嘅係真係唔同啲🤩。喺成個拍攝過程入面，攝影師俾我哋嘅感覺真係唔錯，唔單止專業，溝通方面都做得好好。我哋有要求都可以feel free去提出，Blue Blend Gallery都會一齊傾下點樣調整或者配合我哋🤪。再加上我哋去外地影相，交通方面會比較難掌握，但佢哋都幾配合，令到整體安排會順暢好多。

我哋去咗幾個地方影相，包括河口湖近郊同東京市區。因為郊區比較遠，交通時間會長啲，有時搭車都幾耐。如果公司有車或者司機就更加理想，可以慳返啲時間，唔會咁攰。不過影相嗰一部分，就真係冇咩可以挑剔，整個拍攝過程都好舒服👍。我自己擺 pose 嗰陣會有啲尷尬，但攝影師好細心，會教我點樣放鬆、點樣自然啲，所以我唔洗怕自己會成舊木咁企喺到。成個拍攝氣氛都好輕鬆，唔會有壓力，呢點我真係幾欣賞。另外一樣我覺得幾值得提嘅係，Blue Blend Gallery團隊由我哋一開始查詢、俾錢，到拍攝前夕，都一直有保持聯絡😆。團隊主動提醒我哋要準備啲咩，會send一張list俾我哋，呢方面真係幾貼心💖。整體嚟講，我覺得Blue Blend Gallery團隊真係幾細心、幾有耐性，影出嚟嘅效果都超出我原本嘅期望🥰！