我哋嗰陣睇過Lumoon Production嘅作品，覺得風格好啱自己，而且整體質素都好吸引，所以最後決定交俾佢哋負責。由一開始接觸到正式安排拍攝，同事一直都表現得好專業，有咩問題都解答得好清楚，亦都會根據我哋嘅需求提供建議。當時傾拍攝地點嘅時候，團隊都有分享去唔同地方拍攝嘅意見， 最後我哋決定去日本拍攝，整個過程都算順利。最令我驚喜嘅，反而係最後收到相片嗰一刻。成輯相嘅效果比我原本預期更加好。另外，團隊仲特登帶我哋去一啲唔係熱門旅遊景點、平時冇乜遊客會去嘅地方拍攝。正正因為咁，影出嚟嘅背景更加特別，亦都冇咁多人，成個拍攝效果自然好多🤪。正式去日本之前，佢哋仲安排咗我哋喺香港 studio 影一次相，呢個係團隊送嘅，當係warm-up咁。嗰次拍攝除咗可以熟習鏡頭同拍攝節奏之外，攝影師亦都會教我哋點樣擺 pose，同埋點樣表現得更加自然。去到日本正式拍攝嗰日，我哋都冇咁緊張，成個過程都好順利。拍攝期間，氣氛一直都好輕鬆，唔會令人覺得有壓力🤓。之後 Big Day 我哋都繼續搵返同一班團隊，因為之前合作得好順利，所以都好放心交俾佢哋。Big Day 當日嘅流程安排得好好，基本上冇乜需要我哋操心，而且即場印相仲額外送多咗 200 張俾我哋🥳！我覺得Lumoon Production一直同我哋都保持住好清晰嘅溝通。Big Day 前亦都有開會詳細講解流程， 當日嘅 timetable、拍攝安排同注意事項都交代得好清楚，所以我哋一直都知道要準備啲乜。當日整體時間管理都做得唔錯，團隊都好準時。 如果佢哋喺影海外pre wedding嘅相嗰陣可以幫新人帶埋婚紗同禮服過去，咁新人就可以輕鬆好多，我覺得整個體驗會更加完美！

我最初其實都有睇過幾間公司，不過最後我另一半覺得Lumoon Production 比較合適，所以就揀咗佢哋，都feel到團隊嘅熱誠😗。整體嚟講，第一次接觸嘅印象都幾好，溝通氣氛都幾輕鬆，佢哋都肯聽我哋講自己嘅想法，有需要嘅時候亦會配合我哋，所以我都有推薦Lumoon Production俾我啲朋友！正式拍攝之前，佢哋都會同我哋詳細傾下流程同地點，大概傾咗一段時間，令我哋對當日嘅安排都有個清晰嘅概念。去到拍攝，特別係喺日本嗰次，其實原本計劃好咗幾個景點，但佢哋會因應實際情況，例如人流太多，唔太理想，佢哋都即時作出調整，同我哋商量之後，再建議更加適合我哋嘅地方。我覺得呢點幾好，因為佢哋唔係死跟原定計劃，而係真係想影出更好效果，而去俾意見我哋，所以我哋都幾信任團隊嘅判斷🤪。拍攝過程方面，攝影師會俾清晰指示，氣氛都帶動得唔錯。加上之前喺香港都有試影過一次，所以去到日本再影就冇咁緊張，動作都自然啲，整體過程算順利同舒服，唔會有尷尬或者壓力嘅感覺。後期方面，我都幾滿意。相片調色自然，唔會過分修飾，但又睇得出有做過適當處理。相簿排版同設計都幾有心思，唔係單純一張張排，而係有設計感同連貫性，睇落去似有故事咁，整體效果幾好！另外，揀相嗰陣佢哋都會主動俾意見，幫我哋點樣揀得平均啲，呢點對我哋呢啲冇經驗嘅新人嚟講都幾實用👍！