我有一次去睇場嘅時候，咁啱Stage Up喺嗰個場地表演。我哋聽完之後覺得幾好，印象好深刻，所以都有留意佢哋。之後雖然都有睇過其他 band，但最後都揀咗佢哋。我本身想婚禮有個現場點歌嘅環節，團隊都話如果識唱就會即場唱，咁樣氣氛會更好，呢點對我嚟講加咗好多分。同佢哋溝通嘅過程都幾順利，Stage Up都覆得快，俾我嘅感覺係一隊成熟又專業嘅團隊。我哋傾歌單嘅時候，佢哋都會比意見，仲話如果有啲歌我哋特別想要，可以學定先，呢樣真係幾貼心❤️。有一件事我印象特別深。去到婚禮尾聲，朋友想再 high 啲，就希望佢哋可以唱《皆大歡喜》，其實呢首歌唔喺歌單入面，但佢哋都配合到，氣氛真係好好，真係好難忘🥹🌟。成晚氣氛都 keep 得好好，賓客好投入，仲有人忍唔住起身跳舞。我覺得佢哋喺帶動氣氛呢方面做得好好，唔會冷場，大家都玩得好開心😆。Stage Up嘅表演令到成個婚禮多咗好多亮點，唔單止我哋 enjoy，連屋企人同朋友都覺得難忘，事後都有朋友問我哋有關佢哋嘅information🤪。

我覺得Stage Up有幾個位特別值得一讚。第一，佢哋好準時，仲要早到。因為婚禮時間通常好緊湊，如果隊band遲到真係會加重新人嘅壓力，但佢哋準時到，仲有時間慢慢 set 好，令我完全唔需要擔心。第二，Stage Up之前喺同一間酒店表演過，對場地同音響都熟悉，所以好多嘢都處理得好順利，呢點真係好幫到手。我同另一半對Stage Up嘅服務好滿意，溝通清晰，當日氣氛好，賓客個個都好投入！🥰

我當時都有問過其他團隊，但最後聽咗 Stage Up 嘅 performance，覺得風格好啱心水，所以就揀咗佢哋🙌🏻。同Stage Up溝通嗰陣，整體感覺幾好，回覆問題嘅速度合理，答得都算清楚。特別係我哋要求婚禮當日加一個「估歌仔」嘅環節，佢哋話之前做過，所以有經驗處理，呢點令我好放心😜。婚禮當日，我覺得Stage Up唱得幾好，特別係我本身幾鍾意歌手嘅聲音，現場聽落都好滿意。而且成個流程基本上唔需要我操心，好多細節都係Stage Up自己搞掂，交俾佢哋做我覺得好放心☺️。其實婚禮當日新人真係好忙，未必有時間仔細留意佢哋嘅 performance，但之後都有聽到親友嘅comment，話 live band 唱得好好，氣氛都好熱鬧，大家都幾中意，呢點我都覺得幾滿意。 Stage Up嘅表現好專業，當日無論唱歌、表演定係配合小遊戲，都冇出現尷尬情況🥰。