Soulmate L studio 嘅同事俾我嘅感覺係跟得好貼，好有交帶。因為我自己本身搞開 event，同埋成日好忙，未必可以即時覆到 message，但佢哋一路都有keep住follow，如果真係有急事或者一定要我回應，佢會直接打電話俾我，呢點我幾欣賞👍。我哋揀咗佢哋嘅 Pre Wedding 加 Big Day 嘅 package，成個過程無論溝通定拍攝，都感覺到團隊好尊重我哋嘅想法。佢哋唔會夾硬將自己嘅風格套落我哋身上，而係好跟住我哋嘅感覺去做。老實講，我自己係一個幾懶嘅新娘，pre wedding 甚至只係喺屋企樓下影，但佢哋完全唔會有其他意見，亦冇要求我一定要去啲咩「好靚景」地方🥸。拍攝當日，我有清楚講明唔想行太多流程，最好喺房到休息多啲。就算空間好有限，只係喺房入面，佢哋都可以影到自然又好睇嘅相，呢點真係靠經驗同功力。另外，我本身唔係好鍾意影相，更加唔鍾意嗰啲好造作、好浪漫嘅 pose。拍攝期間我都冇特別要求佢哋教我點擺，因為我想影返平時我哋會做嘅嘢，例如玩下、飲下啤酒嗰啲，好生活化。Soulmate L studio完全尊重我呢個選擇，冇逼我做任何我唔鍾意嘅嘢🙌🏻。

Big Day 當日其實發生過一件好突發嘅事，就係一早六點，我發現原本搵嘅化妝師完全冇出現。嗰刻我真係唔知點算，又唔可能即刻同屋企人講，驚佢哋更擔心。好彩攝影團隊一早已經到場，見到情況之後佢哋第一時間就安撫我情緒，叫我唔洗擔心，交俾佢哋處理🥹。團隊即刻用自己嘅人脈幫我搵化妝師，成個過程佢哋處理得好冷靜。最重要係，Soulmate L studio 會幫我同屋企人溝通，唔會令場面混亂，亦唔會將壓力推返俾我。對我嚟講，呢種臨場應變同情緒管理，其實比單純影相仲重要。同一時間，團隊其他人都冇停低手上工作，各自繼續影需要影嘅內容，唔會因為一個突發狀況就全部停曬。有人負責搵化妝師，有人繼續影相，分工清晰，令成個流程唔會拖慢，呢樣我真係好欣賞。另外令我深刻嘅係團隊嘅耐性同愛心🥳。當日我安排咗一段時間同有特殊需要嘅小朋友一齊開一個party， 團隊都好有耐心咁同小朋友互動，而係真心去相處。嗰種感覺唔係扮出嚟嘅，真係睇得出佢哋係有愛心。夜晚斟茶嗰段亦唔簡單，我哋親戚都幾多人，上上落落走來走去，佢哋一路跟住都冇怨言，冇嫌麻煩，拍攝亦好細心。成日落嚟，你會感覺到Soulmate L studio唔係「交差式」做嘢，而係真係想幫我哋做好件事🌟！

Soulmate L studio團隊真係好 helpful，好願意花時間同我哋溝通。因為我哋都會擔心出到嚟嘅相會唔會同之前講好嘅效果唔 match，但同事會將每樣嘢都先講清楚，而且再 brief 下我哋成個拍攝流程，會問我哋有冇特別想影嘅鏡頭或者場景，真係做到好貼心同好專業🤩。我哋自己都有好多嘢唔太清楚需要準備啲乜嘢，團隊都會俾好多 suggestion我哋，或者睇我哋買咗啲咩嘢，點樣配合拍攝效果。Soulmate L studio唔單止提供 idea，仲會 show 一啲片段俾我哋睇，確保我哋知最終效果係點，同埋佢哋都好care 我哋嘅諗法，呢啲令我減輕咗好多煩惱💕。

我最欣賞嘅係團隊準時，而且會清楚解釋每個流程，例如係拍攝前可以準備啲道具，同埋佢哋會安排影相嘅先後次序，又會照顧父母同吉時，令我哋完全唔洗擔心。我覺得佢哋真係做到我想要嘅效果，特別係早拍晚播，都完全符合我嘅期望🌟。團隊又好有經驗，會俾好多建議我哋，唔會覺得我哋問題多或者煩，反而都好歡迎我哋問問題。我冇乜 idea 嘅時候，佢哋會主動提供好多idea俾我哋，幫我哋減輕壓力，成個過程令我好放心、好開心，而且最終效果真係我想要嘅樣🥰。

其實揀Soulmate L studio之前，我都有啲擔心，不過我哋同團隊嘅溝通其實好足夠，我哋都好清楚所有流程同安排，同事都會提醒我哋準備嘢，所以都會安心啲🥳。喺整個拍攝過程入面，最令我深刻嘅係佢哋嘅溝通方式。我一開始都擔心自己唔係專業人 士，會配合唔到攝影師，或者阻住佢哋嘅拍攝，影響最後成品。但原來我哋係完全唔洗擔心，團隊一路都有好好 guide 我，教我點做、點擺pose，即使係外影嘅時候，佢哋都好好咁安排時間同地點，影出嚟嘅效果都好靚。我哋當日要照顧屋企人，親戚、化妝師、攝影師，又要處理其他嘢，好多細節嘢要兼顧，但有咗Soulmate L studio，我就可以放心交曬俾佢哋安排，我只需要跟住團隊嘅指示去做就得，唔洗自己操心，呢樣令我心情會輕鬆啲🥹。而且最開心嘅係，Soulmate L studio好尊重我嘅意見，會一直同我交流，俾好多建議同 options我哋。即使我冇咩 idea，佢哋都會有 suggestion去話俾我聽點樣呈現效果會最好。咁樣令我覺得好放心，因為知道即使我唔算有好多idea，成個拍攝仍然可以順利完成，而且最終成果都係我想要嘅感覺。 當我睇到嗰條早拍晚播，我真係好滿意，仲有少少驚喜🥰！