我哋當時其實都有睇過唔同團隊，之後朋友介紹咗Soulmate L studio俾我哋，對佢哋嘅信心都比較大，所以就揀咗佢哋。由一開始聯絡到後續溝通，整體感覺都幾好。Soulmate L studio嘅團隊好 helpful，同埋相當主動同熱心。如果有啲流程唔熟，或者我哋有比較多唔清楚嘅地方，佢哋都會耐心解答，唔會令人有壓力，而且回覆速度都快🥰，唔洗我哋周圍搵答案。對新人嚟講，呢一點其實好重要，因為都想團隊會幫到我哋手。我哋主要係用Soulmate L studio嘅 big day 攝影服務。拍攝前，佢哋都有同我哋做返個詳細溝通，了解我哋嘅喜好同要求，講清楚啲細節之後，到拍攝當日自然少咗好多擔心😝。

去到 Big Day 當日，Soulmate L studio團隊都好識帶動氣氛，唔會令成件事變得好緊張，會開心啲💕。同時團隊又跟得好足，對時間同流程嘅掌握都做得好好。團隊好主動，會教我哋點樣企位、點樣擺pose，同長輩影相嘅時候都會幫手安排，令成個過程順暢咗好多🥸。當日我哋喺酒店房入面影相，但其實間房本身嘅光線都比較暗，攝影師就即刻安排打燈，之後成間房即刻光咗好多，感覺佢哋都會準備充足嘅器材，睇得出佢哋好有經驗，同埋事前有諗過成個安排。而家我哋已經收到一部分嘅相，效果睇落都幾靚，同我心目中期望嘅風格差唔多👍。 總括嚟講，由前期溝通、拍攝當日，到而家收到相，成個體驗都幾順利😋！