我本身一開始諗住直接搵當地酒店幫手，因為咁樣價錢可能會平啲。不過實際操作上其實係幾麻煩，加上自己返工忙，冇咁多時間一手一腳搞，所以最後決定搵Le Baliwedding幫我哋安排😋。同團隊接觸之後，第一個感覺就係專業同回應快。無論我有咩問題，佢哋都好快覆，而且解釋得好清楚。喺籌備過程當中，佢哋會預早俾曬 agenda 我哋，所以我會知道求婚嗰日幾時 set 場、流程點樣行，都講得好仔細🤩。呢啲細節幫咗我好多，令我唔需要額外再擔心。 另外，我印象最深刻嘅係Le Baliwedding對當地情況非常熟悉，尤其係交通時間同日落時間，佢哋都掌握得好好。因為呢啲位真係好重要，一旦計錯時間，就會影響成個流程，甚至搞到自己會好panic🥹。好在有佢哋幫手，令到整個過程順利好多，我都覺得好安心。Le Baliwedding仲幫我搵咗當地專業嘅攝影師同拍片團隊，出嚟嘅效果真係幾靚，再加上日落景色，成件事更加特別💕。另外，Le Baliwedding本身都有豐富嘅經驗，所以俾咗好多實用嘅建議我，令成個 planning 更加好。另一個好大嘅幫助就係花嘅安排，我原本自己有搵過酒店，啲花雖然平，但質素唔好，用唔到嚟求婚。Le Baliwedding團隊幫我處理咗呢一部分，啲花真係靚好多😍，呢個亦都係我最後選擇佢哋嘅原因之一。 整體嚟講，成個流程由頭到尾都好順利，佢哋幫我慳咗好多心力，唔需要自己煩太多細節☺️。