Le Baliwedding 俾我哋嘅感覺係好有經驗，講嘢又實在，態度都幾真誠，所以當場就決定咗揀佢哋，冇再諗第二個團隊❣️。我覺得佢哋整體都好專業，事前俾咗好多相俾我哋睇，等我哋了解唔同場地嘅情況。溝通方面都好順利，我哋講啲要求或者細節，佢哋都會即刻回應，仲會幫我哋跟進處理。成個 run down 安排得好清晰，去到 big day 嗰日都冇乜突發情況，一切都好順利。再加上嗰邊啲工作人員識講普通話，長輩同佢哋溝通都冇難度，令成個婚禮氣氛更加融洽🤪。 當日都有印尼當地嘅同事一路 standby，有咩需要都可以即刻搵到人幫手，團隊反應快又主動。其實成個流程都好順利，頂多喺現場有啲細節要 confirm 一下，完全冇大問題。成個團隊俾我感覺好成熟、有經驗，令我哋都覺得好放心☺️。同Le Baliwedding 相處都幾輕鬆，我哋有咩問題都可以直接問，唔會覺得尷尬或者難開口，大家好似朋友咁相處，溝通自然又順暢，呢點我幾欣賞🤩。不過關於酒嘅安排就有少少插曲，一開始團隊話可以自帶啲酒過去，但去到現場先知道當地政府有啲規定，酒呢方面會有啲限制🥹。嗰陣我哋都有啲擔心，驚影響流程，好在Le Baliwedding 最後幫我哋搞掂曬，問題都順利解決🙌🏻。整體嚟講，我對Le Baliwedding 嘅表現真係幾滿意，即使中間有少少插曲，都處理得好妥當，冇影響整體嘅體驗👍。