包一條婚紗，我老公既西式同埋中式禮服，再訂造埋一件恤衫，又包埋accessories同其他配件。去到見到佢地方好闊落，好private，換衫地方好spaceious，跟住佢就會俾部iPad妳，妳就係到掃吓掃吓咁揀款，而揀完款先會入去攞俾妳試。 我總共試咗3件，但係攞就攞咗4件，因為有一件既款攞咗出嚟見到都知唔啱，因為知到太重，頂唔順，咁就咪嘥時間去試佢喇。無揀佢啲晚裝因為佢啲晚裝價質素真係好好，但係錢都唔係平，而我又覺得唔駛晚裝用咁既level，但係婚紗就唔同，質素真係好高，唔似其他公司咁俾人著到殘晒，真係好新！而攞貨既時候就真係非常新淨！ 都要讚吓佢地啲經驗，因為我晚裝响另一到租，相比之下，Cocoon真係好體貼好，仔細咁由裏面girdle開始點樣著然後點著，點樣著到個形出嚟，連點樣係叫著錯都會教埋妳！當中真係解釋得好清楚，話晒自己都唔係成日著呢啲衫，而伴娘都唔係幫得妳好多，佢地咁教一教真係差好遠。 其實價錢真係唔係平既，但係用完佢地之後就明白咩嘢叫一分錢一分貨。