其實我一決定結婚已經搵佢地，想mark定個期。佢最初就係話會俾Robert我，所以就俾咗錢。但後尾（俾完錢冇耐）先話我知Robert突然唔得閒。於是我問佢地你俾咩人我，佢地話係男係女而家未決定到，話要差唔多結婚前兩個禮拜先話到俾我知。 咁都冇辦法，已經洗濕左個頭。後尾仲話要加我錢，因為如果你要指定男人定女人就要加錢。於是我咪鬧爆，因為一早講好左係Robert。後尾佢唔洗我加錢，但係中間好多email對質。 咁我見佢好耐都冇同我再聯絡，所以我結婚兩個月前再email問佢啲野跟進吓。我唔知幾時跟進先係正常啦，佢地成日要我追，追又成日叫我be patient。搞到最後都係結婚前嗰個月先上去處理registration啲嘢。所以呢間野我唔會recommend，不過佢平，$2千左右（唔包政府filing費），因為平就係佢既賣點！