我哋揀現代經典係因為我哋想去澳門影教堂外景，但我哋對於呢輯婚紗相十分不滿意。首先，相片質素差，啲相影出嚟同佢擺出嚟嗰啲完全唔同，所以揀相時，package包120張相我哋都揀唔晒(最後唯有唔係好鍾意嗰啲都要埋)；其次，化妝和造型一啲都唔靚，仲奇奇怪怪咁，完全無得救；另外，雖然有50張相包touch-up，但由於拍攝角度及取景等都唔靚，執完出嚟效果都係咁，無特別好咗。 由於我哋對呢輯相實在太不滿意，職員有問過我哋要唔要再影過，但我哋諗，影來影去都係咁，所以我哋無再重影。而呢個package我哋唔要相簿，只要120張電腦檔相片，所以相對嚟講，呢間價錢算幾貴。"