我哋選擇喺呢間商舖訂花球是因為價錢平，而且我影兩次婚紗相時已試過訂$298這個package，包鮮花球、頭花及襟花，啲花好新鮮，頭花數量又充足。於是，我哋決定結婚當天都同佢哋訂花球。 而喺結婚前一個月，我哋要通知佢哋用咩花，但今次老闆的態度好差，話佢啲員工咁平賣啲花，蝕晒佢啲錢，而家價錢咁平，叫我哋唔好要求咁多。到結婚當天，個花球同襟花嗰啲花都好殘，頭花數量又少，我哋話之前幫襯都唔係咁，老闆就話係咁喇，咁平仲想點。