Bauhinia Wedding Shop
4.2

客戶評語

Samsam
5
精選評語
服務 / 婚宴日期: 2015.03.22
我㨂呢間嘅原因係因為我會睇櫥窗遇到啱嘅先入,呢間其實已經係金巴利道差唔多行到尾,大概係第三間,咁啱櫥窗有件衫吸引就入左去。我嘅要求係simpleelegant,佢嘅衫都simple,因為我唔鐘意太多珠、太華麗嘅,佢就正正符合我嘅要求,清雅啲。唔知係咪因為呢個原因,價錢都偏低,又清雅又平就正岩我!因為...
我㨂呢間嘅原因係因為我會睇櫥窗遇到啱嘅先入,呢間其實已經係金巴利道差唔多行到尾,大概係第三間,咁啱櫥窗有件衫吸引就入左去。我嘅要求係simple elegant,佢嘅衫都simple,因為我唔鐘意太多珠、太華麗嘅,佢就正正符合我嘅要求,清雅啲。唔知係咪因為呢個原因,價錢都偏低,又清雅又平就正岩我!因為價錢對我黎講都真係幾平,所以即刻扑槌,同埋冇試衫費。 最後租左六套,落單果陣已約埋幾時揀衫做fitting。我係直接睇實貨揀,都好容易揀到,同埋過程都順利。乾淨程度可接受,始終租嘅有啲啲舊,但都可接受。 佢仲要係唔需加錢嘅情況下俾多左套婚紗我。因為我係註完冊之後有擺cocktail,諗住會想周圍行,但又唔想著住套大拖尾。當時佢咁啱擺左條冇拖尾,簡約嘅婚紗出來,咁啱我又幾鐘意呢件,跟住我就有少少怕醜咁問佢可唔可以加呢件,問佢價錢。點知佢話:「唔洗啦,你鐘意就咁要啦。」佢冇乜所謂,佢嘅服務態度係好好,因為佢重視客人多過賺錢。成間店得一個人叫Ada,好nice! 其實我一早已經confirm哂啲裙,但係final fit果日咁岩有新款返左,我覺得啲裙好靚,不過我冇講出口,因為我知自己一早已經揀左。不過Ada竟然話覺得我有兩件晚禮服都係魚尾,有冇考慮換過一件。跟住我問,咁係咪即係我依加可以轉,佢話係。於是我即時就開口講話你有一件新返嘅真係好靚!我好快已經介紹左另一個朋友黎,都用緊佢嘅服務。