我地有睇過幾間既，而姊妹又幫我地搵左幾間都係好質素既，有間成3萬好貴，又揾咗一間叫 Princeton Cheung 既，去到佢website見到個package好貴所以無用到，之後搵左Terence傾 。我地上左去佢上環個office到傾，感覺都ok，有俾佢影人地啲相我地睇，而佢website都有啲既。 當日佢都準時，個plan包三個人，佢仲多左個video camera既人俾我地。主攝係 Billy幫我地影，有兩個影Video既。咁佢之後現場派相買就其實包咗200張相，但到後期爆左quota，多左50張，要每張加番$10，咁佢有通知我地，現場都有問我地得到我哋同意既。 影既方面都ok，流暢而且幾好既。影斟茶個時都識安排人點坐呀，點影呀，你依家做啲咩嘢，其實我地好似公仔咁，哈哈。佢啲指導好清楚，變相伴郎伴娘唔使做野。佢哋好易話為，想佢搞啲氣氛又得，想佢講野又得，例如「有無野同阿女講啊」，「你結婚喇，點點點呀。。。」，依啲處理好好。我地得兩個伴郎，兩個伴娘，佢地太忙了，所以當日有人幫下手講呢啲就真係幾好。 影完等兩個月左右就有相拎，執好晒既，雖然都唔洗點大執。CD未收到，淨係收到啲soft copy，佢係download既。我地唔包album既。我地幾中意佢個video喎，姐係佢朝拍晚播個個做得幾好喎，感覺唔錯。 有啲地方可以再完美啲既，例如full record video因為本來得一個影video camera，教會啲歌就cut得一截截。其實對我哋嚟講真係好緊要，因為當日啲野根本係入唔到腦，又諗住以後可以睇playback聽返。後來聽人哋講師母唱得好好聽，好想聽番，因為cut到一截截咁，無咗連貫性，而有兩首聽唔番晒，例如師母响簽名時唱嗰首歌，偏偏係唱到最尾嗰個chord時就cut咗，好可惜。簡單講就係我哋企定定唔洗郁既歌就全部聽得到，而我要match-in或者要郁既歌就會cut咗啲。 老實講我本來真係無諗過自己想聽番，所以都無request話要所有歌都要錄到，而我哋都唔會怪佢既。不過自己想聽返真係點預料都預料唔到。