Rainbow Design
4.8

客戶評語

Funny Bride
5
精選評語
服務 / 婚宴日期: 2014.06.19
呢間係朋友介紹,唔出名,只係一個女仔自己同我地傾同埋design。其實搵佈置都搵左好耐,好多都揀唔啱,好遲先搵到呢間,差唔多一個月前先搵。之前我老公去過比較大型嘅公司格價,發現佢地做少少野都要天文數字,而且乜都要加錢。呢間小型嘅結果出到黎反而幾好,例如backdrop個artwork佢話兩三日俾貨我...
呢間係朋友介紹,唔出名,只係一個女仔自己同我地傾同埋design。其實搵佈置都搵左好耐,好多都揀唔啱,好遲先搵到呢間,差唔多一個月前先搵。之前我老公去過比較大型嘅公司格價,發現佢地做少少野都要天文數字,而且乜都要加錢。呢間小型嘅結果出到黎反而幾好,例如backdrop個artwork佢話兩三日俾貨我地,最後真係做到,做得好快。 我地想個場用啲繩圍住,呢個idea其實佢地之前做過,我地見到好得意於是又想做,因為我地想簡簡單單但又有自己特色,成個場都係用條繩圍住。為左襯返我地嘅主題色,佢就將所有繩人手染做粉紅色,雖然個手工好貴,但佢地就只係收返我地普通價,所以我覺得唔洗搵啲特別出名嘅公司。 我地用曲奇做回禮,啲曲奇上面全部都係賓客嘅名,佢幫我地諗點樣present件事,令賓客可以拎返自己果塊。佢用繩夾住啲曲奇餅放係個架上面,賓客入場就可以搵返自己果塊曲奇,啲小朋友仲拎走埋個架。始終新人冇乜經驗,所以啲建議其實幫左我地好多。 另外佢有幫我地整menu,出面嘅decoration,簽名枱、相簿枱果啲全部有跟返我地粉紅色繩嘅主題。我自己有搵friend做logo,佢又幫我用佢地砌左朵花。另外,因為始終有好多野要改,但佢改得黎又冇怨言,又唔會好似有啲大型公司咁限定修改次數,況且如果我地條繩要搵大型嘅公司做,一定唔知要俾幾多錢。 有朋友外國返黎都係搵佢地,讚佢地細心同埋做到好多要求,個backdrop係有啲荷花係上面,雖然唔知係自己畫定上網搵,但係好靚,又肯幫佢地即場執啲擺位。