我是在婚展中買榮華嘅餅卡，由於屋企嘅老人家話榮華的唐餅比奇華好味，而且唐餅卡都係媽媽要的，所以我哋就揀咗喺榮華買餅卡。我是在第一城嗰間榮華換餅的，但店內職員嘅態度唔係太好。其實在婚展時，有關職員已同我哋講解咗換某些款式嘅餅時，要預早打電話去訂咗先，因為唔係間間舖都有該款餅。不過由於從買餅卡到換餅都過了一段頗長嘅時間，我哋已經唔記得咗呢樣嘢。到咗換餅當天，我同媽媽拎住d餅卡去換餅，但個店員態度就真係麻麻地，淨係話我哋冇喎，要訂喎....完成冇主動解釋吓換餅嘅程序。咁我媽媽就唯有換咗一d當天舖內有的餅先，但一出門口，我哋發現其中有款餅嘅保鮮期好短，只有3-5天，但我哋d餅又未齊，派唔到俾人，於是立即入返舖頭問可唔可以等埋頭先訂嗰d餅一次過先換，但店員就話我哋張餅卡已經redeem咗，唔可以改個record。之後，我哋唯有下次拎餅時，額外用現金買返上次好快過期嗰款餅。