呢個公司係3個女仔負責，全部都係年青人。其實我係三個月前先係婚展搵佢地，之前搵過好多間但係唔啱，因為鐘意佢地嘅田園風格，又做到我想要嘅野，所以就揀左佢地。 佢同兄弟姊妹夾得唔太好，當日叫佢地執執啲位，佢地就黑口黑面，不過佢之前嘅服務態度就一直都好好。而且佢地好嘅地方係話一就一，話二就二，唔會亂咁加錢。 可能我同我老公有完美主義。佢地佈置完俾左張相我睇，我覺得雖然唔係最靚，但係都OK。不過有少少不滿嘅係佢明明講過個backdrop會係某啲位加返層layout，咁靚嘅地方就會凸起左，做到立體感。呢個係一早傾好左，單都有寫，但最尾出到黎只係平面。其實我諗佢地漏左，不過都已經當日，又起碼有塊板係到影相，所以我都唔算好介意。