負責招呼我嘅同事叫wing，佢好nice，見我揀開啲簡約同冇咁blingbling嘅款，於是拎左超多件俾我揀同任試。而且佢俾好多意見我，例如話我膚色襯邊啲裙等等，佢冇好多修飾，講野好直接中肯，所以好滿意佢嘅服務。因為佢服務太好，所以就即場落左訂，佢話就算試完衫唔岩佢都唔會收錢，而且最尾仲俾多左套男裝我地。 佢package本身唔包頭飾首飾，但後尾佢有逐套幫我襯同借俾我，加上化妝師又俾左啲俾我，所以當日有好多飾物可以揀同襯。同埋因為我太瘦，所以啲衫要改得好緊要，正常租衫公司唔鐘意要改咁多，但佢地就冇乜所謂，改完就叫我試，唔岩再改，改到ok為止。 第二次我同我老公去，第三次同奶奶去。佢本身包左我一條奶奶衫，但因為我媽咪唔鐘意租衫，所以最後多左條裙出黎。佢有同我一齊諗點處理呢件多左嘅裙，包括轉做姊妹裙，睇得出佢有想盡辦法解決我嘅問題，而唔係只係為左賺錢。 我老公同兄弟去拎衫，佢話拎果陣已經直接pack好哂俾我地，拎上手好乾淨，而還衫果陣佢地都冇特別去check，唔會驗屍咁睇有冇爛。