呢間嘅prewedding喺响Club One嗰間大舞臺擺酒送，1輯包10幾張相。但我對呢間嘢極度失望！完全喺零服務，入面嘅店員見高就拜見低就踩，登記嗰陣已經喺咁問要唔要加錢，又好決絕咁話登記咗就冇得再改，當時我哋見到咁嘅服務態度就已經唔想額外買嘢。 影相嗰日我哋入到去係無人理我哋既，雖然有幾個員工坐喺到但都係完全唔理我哋既。直到Reception留意到，問我地嚟做乜嘢我哋先行過去。當日我喺間鋪頭見到起碼廿個人，只有一個人會理我。攝影師態度OK，因為佢只喺一直影相，冇理其他嘢，但其他人嘅態度喺令我難受，唔明點解會有人俾錢買呢啲服務，呢間嘢完全喺金錢至上。 佢哋影嘅相差到我差啲揀唔晒包咗嗰幾張相，揀嚟揀去都係得十張。化妝嘅假眼睫毛又要收$200 一對，同埋因為喺如果揀青馬大橋景既相就一定要加錢，所以就俾咗 $200 買一張有青馬大橋既相。 影相喺馬灣，揀相又喺馬灣，最尾拎相 (只係CD) 就要等成四個月先燒好隻碟，總共入咗四次馬灣。不過，每次入去都係冇人理我，佢啲員工寧遠坐喺到挫指甲同傾計都唔理我哋。有次我地見到有對外藉新人入嚟，佢哋都唔係特別理佢哋，一副愛理不理嘅態度。 另外要再提影相嗰日，影完搞好晒諗住走喇，點知行出咗門口之後對假眼睫毛咁啱甩咗，咁就入返去問佢哋希望佢幫我啦，佢哋竟然唔肯幫我癡返，話我嘅服務已經完結，仲話我其實應該落埋個妝先走，又話因為個妝喺屬於佢哋嘅服務，冇落妝咁俾我行出去已經係對我好好，講到真係我錯咁。最後我都無辦法，唯有"條條fing"咁離開。 其實我覺得正常嚟講，婚禮行業所提供既服務係應該係要比其他服務性行業更好先至啱，但我真係估唔到可以差成咁！